తమ అపార్టుమెంట్లోని ఓ కుటుంబం తమతో అసభ్యకరంగా ప్రవర్తిస్తోందని.. దురుసుగా ప్రవర్తిస్తున్నారని ఆరోపిస్తూ కొందరు మహిళలు రాష్ట్ర మానవహక్కుల కమిషన్ను ఆశ్రయించారు. వారితో ప్రాణహాని ఉందని ఆందోళన వ్యక్తం చేశారు.
మల్కాజిగిరి పరిధి యాప్రాల్లో మోక్ష అపార్టుమెంట్లో గత పదేళ్లుగా నివసిస్తున్నాం. బ్యాంకు ఉద్యోగులుగా, ఇంజినీర్లుగా, కొంత మంది విశ్రాంత ఉద్యోగులుగా జీవనం సాగిస్తున్నాం. ఇటీవల వెంకట్రెడ్డి అనే వ్యక్తి తమ అపార్ట్మెంట్లో ఒక ఫ్లాట్ కొనుగోలు చేశారు. అప్పటి నుంచి వెంకట్రెడ్డితో పాటు సాఫ్ట్వేర్ ఉద్యోగాలు చేస్తున్న అతని కుమారుల దౌర్జన్యాలు ఎక్కువయ్యాయి. తమ ఇళ్లలో సహాయకులుగా పనిచేసేందుకు వచ్చే వారినీ వేధిస్తున్నారు. ఈ విషయంలో పోలీసులను ఆశ్రయించినా.. న్యాయం జరగలేదు. వెంకట్రెడ్డి, అతని కుమారులతో ప్రాణహాని ఉంది. తక్షణమే ముఖ్యమంత్రి కేసీఆర్, మంత్రి కేటీఆర్ జోక్యం చేసుకోవడం సహా హెచ్ఆర్సీ తమకు న్యాయం చేయాలి.
---- బాధిత మహిళలు
