Liquor Bottles: అయ్యో.. రూ.2 కోట్ల విలువైన మద్యం సీసాలు నేలపాలు

Liquor Bottles: ఏపీలోని విజయవాడ కమిషనరేట్ పరిధిలో సుమారు రూ.2 కోట్ల విలువైన 62 వేల మద్యం సీసాలను పోలీసులు రోడ్డు రోలర్​తో తొక్కించి ధ్వంసం చేశారు. విదేశీ మద్యం సీసాలు కూడా ధ్వంసమైన వాటిలో ఉన్నాయని కమిషనర్ కాంతిరాణా తెలిపారు.

Liquor Bottles: ఏపీలోని విజయవాడ కమిషనరేట్ పరిధిలో గత రెండేళ్లలో పట్టుబడిన అక్రమ మద్యాన్ని పోలీసులు నిర్వీర్యం చేశారు. సుమారు రూ.2 కోట్ల విలువ చేసే 62 వేల మద్యం సీసాలను నున్న మ్యాంగో మార్కెట్​ యార్డులో పోలీసులు ధ్వంసం చేశారు. ధ్వంసం చేసిన వాటిలో విదేశీ మద్యం బాటిల్స్ కూడా ఉన్నాయని కమిషనర్ కాంతిరాణా టాటా తెలిపారు.

అక్రమ మద్యం రవాణాను కట్టడి చేస్తామని కాంతిరాణా టాటా తెలిపారు. రాష్ట్ర సరిహద్దుల్లోని చెక్​పోస్టుల్లో తనిఖీలు కొనసాగుతున్నాయని ఆయన వెల్లడించారు. కమిషనరేట్ పరిధిలోని మైలవరం, విస్సన్నపేట తదితర మండలాల్లో నాటుపుసారాపై ప్రత్యేక నిఘా పెడతామని వెల్లడించారు.

ఇవీ చదవండి: 'కేసీఆర్​ బొమ్మతో కాదు.. నా సొంత పని తీరుతోనే గెలుస్తూ వచ్చా..'