KTR about Women's Day : మహిళా దినోత్సవం ఘనంగా నిర్వహించాలని తెరాస కార్యనిర్వాహక అధ్యక్షుడు, మంత్రి కేటీఆర్ తెరాస నేతలకు పిలుపునిచ్చారు. తెరాస ఎమ్మెల్యేలు, జిల్లా అధ్యక్షులతో టెలీకాన్ఫరెన్స్ నిర్వహించిన మంత్రి.. మహిళాబంధు కేసీఆర్ పేరిట.. ఈనెల 6, 7, 8న సంబురాలు జరపాలని ఆదేశించారు. ఈ నెల 6న కేసీఆర్‌కు రాఖీ కట్టే కార్యక్రమం నిర్వహించాలని మంత్రి కేటీఆర్ సూచించారు.
TRS Party Celebrates Women's Day : పారిశుద్ధ్య కార్మికులు, వైద్యులు, ఏఎన్ఎంలు, విద్యార్థినులు, ఆశా వర్కర్లు, స్వయం సహాయక సంఘాల సభ్యులను సన్మానించాలని మంత్రి ఆదేశించారు. కేసీఆర్ కిట్, షాదీ ముబారక్, థాంక్యూ కేసీఆర్ వంటి ఆకారాలతో మానవహారాలు జరపాలన్నారు. ఈనెల 7న కల్యాణలక్ష్మి, కేసీఆర్ కిట్ లబ్ధిదారులతో సెల్ఫీలు తీసుకోవాలని చెప్పారు. ఈనెల 8న నియోజకవర్గ స్థాయిలో మహిళలతో భేటీలు జరిపి సంబురాలు నిర్వహించాలని తెరాస ఎమ్మెల్యేలు, జిల్లా అధ్యక్షులకు మంత్రి కేటీఆర్ దిశానిర్దేశం చేశారు.
- ఇదీ చదవండి : బడిబాట పట్టని విద్యార్థులు.. ఇప్పటికీ హాజరు అంతంతే..
