కేంద్ర ప్రభుత్వం తెచ్చిన వ్యవసాయ చట్టాలను వ్యతిరేకిస్తూ రైతు సంఘాలు ప్రకటించిన రేపటి భారత బంద్కు తెలంగాణ ఉద్యోగులు మద్దతు ప్రకటించారు. రేపటి బంద్లో పాల్గొనాలని వారు నిర్ణయించారు. ముఖ్యమంత్రి కేసీఆర్ పిలుపు మేరకు బంద్లో పాల్గొంటున్నామని టీఎన్జీవో సంఘం అధ్యక్షుడు మామిళ్ల రాజేందర్ ప్రకటించారు.
అన్ని జిల్లాలతో పాటు రాష్ట్ర స్థాయిలో బంద్లో పాల్గొంటామని, నిరసన కార్యక్రమాలు చేపట్టనున్నట్లు తెలిపారు. బంద్ సందర్భంగా ఉద్యోగులకు విధుల నుంచి మినహాయింపు ఇవ్వాలని ప్రభుత్వానికి లేఖ రాసినట్లు వెల్లడించారు.
ఇదీ చదవండి : ప్రగతిభవన్‌ ముట్టడికి మహిళా పీఈటీ అభ్యర్థుల యత్నం
