తేలికైన రూపంతో, గణనీయంగా బరువు తగ్గి, ఎకో థ్రస్ట్ ఫ్యూయెల్ ఇంజెక్షన్(ఈటీఎఫ్ఐ) అనే సరికొత్త టెక్నాలజీతో ముందుకొచ్చింది టీవీఎస్ మోపెడ్. పల్లె నుంచి పట్నం దాకా ప్రతి ఒక్కరు ఇష్టపడే ఈ మోపెడ్ ప్రత్యేకతలేంటో చూద్దామా...
ఈటీఎఫ్ఐ టెక్నాలజీతో బండి మైలేజీ అదనంగా 15 శాతం వస్తోందని చెబుతోంది టీవీఎస్. ఇంజిన్ సులభంగా ఆన్ ఆఫ్ చేసేలా స్విచ్ ఇచ్చారు.
స్మార్ట్ఫోన్ ఛార్జర్ సాకెట్, ఫ్యుయెల్ ఛార్జర్ ఇండికేటర్, డిజిటల్ టాకోమీటర్, ఆకర్షణీయంగా తీర్చిదిద్దిన హ్యాండిల్బార్ కొత్త హంగులు, సింక్ బ్రేకింగ్ టెక్నాలజీతో భద్రతకు పెద్దపీట వేశారు.
సీట్లను మరింత విశాలం చేసి రైడర్, పిలియన్కి అనుకూలంగా మలిచారు. 16 అంగుళాల చక్రాలు, సైలెన్సర్ గార్డ్, ఎల్ఈడీ డీఆర్ఎల్లు, సస్పెన్షన్ ష్రౌడ్స్కి క్రోమ్ తరహా తళుకులు అద్దారు. ఐ-టచ్ స్టార్ట్తో ఇంజిన్ ఆన్ అయిన సంగతే తెలియదు. అంత స్మూత్గా ఉంటుంది. కూల్ మింట్ బ్లూ, లస్టర్ గోల్డ్, స్పార్క్లింగ్ సిల్వర్ మూడు రంగుల్లో లభ్యమవుతోంది.
సాంకేతికాంశాలు
99.7 సీసీ
ఫోర్స్ట్రోక్ ఇంజిన్
4.3 బీహెచ్పీ
6.5 ఎన్ఎం టార్క్
ధరలు
ఎక్స్ఎల్ 100 హెవీడ్యూటీ ఐ టచ్ స్టార్ట్ - రూ.43,504
ఎక్స్ఎల్ 100 హెవీడ్యూటీ ఐ టచ్ స్టార్ట్ స్పెషల్ ఎడిషన్ - రూ.44,744
ఎక్స్ఎల్ 100 కంఫర్ట్ ఐ టచ్ స్టార్ట్- రూ.45,074
