ఏపీలోని చిత్తూరు జిల్లా కుప్పం మున్సిపాలిటీ ఎన్నికల్లో... తెదేపా నాయకుల నామినేషన్ పత్రాలను గుర్తుతెలియని వ్యక్తులు ఎత్తుకెళ్లారు. నామినేషన్ల చివరి రోజైన నేడు... కుప్పం 14వ వార్డులో తెదేపా తరఫున నామినేషన్ వేసేందుకు వెళ్తున్న మాజీ ఏంపీపీ వెంకటేష్పై పలువురు వ్యక్తులు దాడికి పాల్పడ్డారు.
ఈ క్రమంలోనే అతడి వద్ద నుంచి నామినేషన్ పత్రాలను లాక్కొని పారిపోయారు. సమాచారం అందుకున్న మాజీమంత్రి అమర్నాథ్ రెడ్డి ఘటనా స్థలాన్ని చేరుకొని గాయపడ్డ వెంకటేష్ను ఆస్పత్రికి తరలించారు. ఈరోజు సాయంత్రం 5 గంటలకు నామినేషన్ల సమయం ముగియనుండటం వల్ల సదరు అభ్యర్థి ఆందోళనకు గురవుతున్నారు. తమ పార్టీ అభ్యర్థిపై దాడి చేసింది.. వైకాపా కార్యకర్తలేనని తెదేపా నాయకులు ఆరోపిస్తున్నారు.
ఇదీ చూడండి:
