శ్రీలంకతో జరుగుతున్న రెండో వన్డేలో సూర్యయాదవ్ కుమార్ తనదైన శైలిలో హాఫ్ సెంచరీ నమోదు చేశాడు. శ్రీలంక నిర్దేశించిన 276 పరుగుల లక్ష్యంతో బరిలోకి దిగిన టీమిండియా ఆదిలోనే ఓపెనర్లను కోల్పోయింది. తర్వాత వచ్చిన సూర్యకుమార్ యాదవ్ మరో బ్యాట్స్మెన్ మనీశ్ పాండేతో కలిసి స్కోరు బోర్డును పరుగులు పెట్టించాడు.
మిడిలార్డర్లో వచ్చిన సూర్యకుమార్ యాదవ్ 44 బంతుల్లోనే 53 పరుగులు నమోదు చేశాడు. తాను ఆడుతున్న రెండో మ్యాచ్లోనే తొలి హాఫ్ సెంచరీ నమోదు చేశాడు. 27 ఓవర్లో బంతిని బౌండరీకి తరలించి అర్ధశతకం పూర్తి చేసిన సూర్య.. శ్రీలంక బౌలర్ సందకన్ బంతికి ఎల్బీగా వెనుదిరిగాడు.
