బంగ్లాదేశ్​కు నిత్యావసర సరకుల రవాణా చేసిన ద.మ. రైల్వే

ఏపీలో వివిధ ప్రాంతాల నుంచి నిత్యావసర సరకులను బంగ్లాదేశ్​కు రవాణా చేసినట్లు రైల్వే శాఖ వెల్లడించింది. అందులో మిరపకాయ, పసుపు, అల్లం, ఉల్లిపాయలు ఉన్నాయి.

బంగ్లాదేశ్​కు నిత్యావసర సరకులు సరఫరా చేసింది దక్షిణ మధ్య రైల్వే. ఆంధ్రప్రదేశ్​లోని వివిధ ప్రాంతాల నుంచి సరకులు రవాణా చేసినట్లు రైల్వే అధికారులు తెలిపారు. 42 వ్యాగన్లలో 2,477 టన్నుల ఎండు మిరపకాయలతో లోడ్ చేసిన ఒక రేక్​ను ఏపీలోని తాడేపల్లిగూడెం నుంచి బంగ్లాదేశ్​లోని దర్శన్ స్టేషన్​కు రవాణా చేశారు. 4,928 టన్నుల ఎండు మిరపకాయలు, పసుపు, అల్లంను రెండు ర్యాక్​​లలో రెడ్డిపాలెం స్టేషన్ నుండి బెనాపోల్ రైల్వే స్టేషన్​కు చేర్చారు. 2,472 టన్నుల ఉల్లిపాయలను లోడ్​ చేసిన ఒక ర్యాక్​ను నాగర్​సోల్ స్టేషన్ నుంచి దర్శన్ స్టేషన్​కు తరలించారు.

ఇదీ చూడండి: జెన్ జెడ్ స్పెషల్ శాంసంగ్​ 'గెలాక్సీ ఏ51' విడుదల