హైదరాబాద్ మహానగర పాలక సంస్థ.. మేయర్, డిప్యూటీ మేయర్ పదవులకు ఈ నెల 11న జరగనున్న ఎన్నిక కోసం రాష్ట్ర ఎన్నికల సంఘం పరిశీలకుణ్ని నియమించింది. ఐఏఎస్ అధికారి సందీప్ కుమార్ సుల్తానియా ఈ ఎన్నికకు పరిశీలకునిగా వ్యవహరిస్తారు. ఈ మేరకు రాష్ట్ర ఎన్నికల సంఘం ఆదేశాలు జారీ చేసింది.
ఈ నెల 11వ తేదీన మేయర్, డిప్యూటీ మేయర్ ఎన్నిక కోసం జీహెచ్ఎంసీ పాలకమండలిని ప్రత్యేకంగా సమావేశపరుస్తూ గతంలోనే నోటిఫికేషన్ జారీ చేసిన ఎస్ఈసీ.. ఏదైనా కారణాల వల్ల ఆ రోజు ఎన్నిక జరగకపోతే మరుసటి రోజు జరుగుతుందని తెలిపింది. ఎన్నికకు ప్రిసైడింగ్ అధికారిగా హైదరాబాద్ కలెక్టర్ శ్వేతా మహంతిని ఇప్పటికే నియమించారు. మేయర్, డిప్యూటీ మేయర్ ఎన్నికపై రాష్ట్ర ఎన్నికల సంఘం ఈ నెల ఎనిమిదో తేదీన సంబంధిత అధికారులతో సమావేశం నిర్వహించనుంది.
ఇవీ చూడండి: 7న కేసీఆర్ అధ్యక్షతన తెరాస కార్యవర్గ సమావేశం
