నాగచైతన్య- సమంత మధ్య ఏం జరుగుతోంది అనేది పెద్ద హాట్ టాపిక్గా మారిపోయింది. వారి మధ్య నిజంగానే వివాదాలు నడుస్తున్నాయా? అవి విడాకులకు దారి తీస్తాయా అనేది అభిమానులకు పెద్ద ప్రశ్న. అయితే ఎన్ని రూమర్లు వస్తున్నప్పటికీ వారు ఈ విషయంపై స్పందించకపోవడంతో అనేక సందేహాలు తలెత్తుతున్నాయి.
2017లో హీరో నాగచైతన్యను పెళ్లి చేసుకున్న సమంత.. అనంతరం తన సోషల్మీడియా అకౌంట్లలో సమంత పక్కన 'అక్కినేని' పదాన్ని జోడించింది. కానీ అకస్మాతుగా ట్విట్టర్, ఇన్స్టా నుంచి అక్కినేని పదాన్ని తొలగించి ఎస్ అక్షరం పెట్టుకోవడంపై సర్వత్రా చర్చ మొదలైంది. 'సామ్ ఎందుకిలా చేసింది?' అంటూ మాట్లాడుకుంటున్నారు. అసలు వివాదం అక్కడే మొదలైందా? అనేది అంతుచిక్కని ప్రశ్న. ఈ అంశంపై స్పందించిన సమంత.. 'అనవసర విషయాలపై వివరణ ఇవ్వాల్సిన అవసరం లేదని' కుండబద్ధలు కొట్టినట్లు చెప్పడం అభిమానులను మరింత సందిగ్ధంలో పడేసింది.
ఈ మధ్య నాగచైతన్య నటించిన 'లవ్ స్టోరీ' సినిమా ట్రైలర్(love story movie trailer) ప్రేక్షకులను ఎంతగానో ఆకట్టుకుంది. అయితే చైతూ ట్వీట్‌ని షేర్ చేస్తూ విన్నర్ అంటూ.. చిత్ర బృందానికి, సాయి పల్లవికి సమంత కంగ్రాట్స్ చెప్పడం.. 'థ్యాంక్స్ సామ్' అంటూ.. చైతూ రిప్లే ఇవ్వడంతో వీరి మధ్య వివాదాలేవీ లేవని పలువురు మాట్లాడుకున్నారు.
ఇటీవల సమంత తిరుమల శ్రీ వేంకటేశ్వరస్వామిని దర్శించుకున్నారు. ఈ సందర్భంగా నాగచైతన్య-సమంత విషయంలో వస్తున్న రూమర్స్పై ఓ విలేకరి ప్రశ్నించగా సామ్ కాస్త ఘాటుగానే స్పందించారు. దీంతో మళ్లీ వీరి మధ్య ఏదో జరుగుతోంది అనే అంశం తెరపైకి వచ్చింది.
సామ్, చై వ్యవహారంపై రోజు రోజుకూ సామాజిక మాధ్యమాల్లో గాసిప్స్ పెరుగుతున్నప్పటికీ.. ఇంతకీ వీరి మధ్య ఏం జరుగుతోంది అనే విషయంపై ఎవరూ నోరు మెదపకపోవడం గమనార్హం. వీరిలో ఎవరో ఒకరు స్పందిస్తే.. అసలు విషయంపై స్పష్టత వచ్చే అవకాశం ఉంది.
ఇదీ చూడండి: రూమర్స్పై ప్రశ్న.. విలేకరికి సమంత ఘాటు రిప్లై
