ఆంధ్ర‌ప్ర‌దేశ్ అసెంబ్లీలో శుక్రవారం ఎన్న‌డూ లేనంత ఉద్రిక్త వాతావ‌ర‌ణం నెల‌కొంది. 40 సంవత్సరాలకు పైగా రాజకీయ అనుభ‌వ‌నం ఉన్న తెదేపా అధినేత, మాజీ ముఖ్య‌మంత్రి చంద్ర‌బాబునాయుడు అసెంబ్లీ నుంచి వాకౌట్ చేసి కంటతడి పెట్టుకోవ‌డం తెలుగు రాష్ట్రాల్లో సంచ‌ల‌నంగా మారింది. ఇన్నాళ్లు త‌న‌ను మాత్ర‌మే టార్గెట్ చేసిన వైకాపా నేత‌లు.. ఇప్పుడు తన భార్య‌ను కూడా రాజకీయాల్లోకి లాగారంటూ ఆయ‌న కన్నీటి పర్యంతమయ్యారు.
చంద్రబాబు కంటతడి పెట్ట‌డంపై పలువురు రాజకీయ నాయ‌కులు, సినీ ప్రముఖులు తమదైన రీతిలో స్పందించారు. దీనిపై తాజాగా ద‌ర్శ‌కుడు రామ్‌గోపాల్ వర్మ స్పందించాడు. చంద్రబాబు ఏడుపును తన కొత్త సినిమా 'ఆర్జీవీ మిస్సింగ్' ప్రమోషన్ కోసం వాడుకున్నాడు. ఈ చిత్ర ట్రైలర్ను నిన్న విడుద‌ల చేశారు. పలువురు రాజకీయ నాయ‌కుల‌ను టార్గెట్ చేస్తూ వర్మ ఈ చిత్రాన్ని తెర‌కెక్కించిన‌ట్లు ట్రైలర్ బ‌ట్టి తెలుస్తోంది. ఈ ట్రైలర్నే చూసి చంద్రబాబు కంటతడి పెట్టుకున్నాడ‌ని చెబుతూనే.. చంద్రబాబు ఏడ్చిన వీడియోను వర్మ తన ట్విటర్లో పోస్ట్ చేశాడు. కాగా.. దీనిపై నెటిజ‌న్లు తమదైన శైలిలో కామెంట్లు పెడుతున్నారు.
ఇదీ చూడండి: Chandrababu crying: అసెంబ్లీలో అడుగుపెట్టను.. నాడు ఎన్టీఆర్... నేడు చంద్రబాబు..!
