ఈటీవీ భారత్​ కథనానికి స్పందన... సాయం చేసిన కార్పొరేటర్

రాష్ట్రంలో విధించిన లాక్​డౌన్​తో తన కుటుంబాన్ని పోషించడం భారమవుతోందని హైదరాబాద్​ రామంతాపూర్​లో నివసిస్తోన్న శివాజీరాజు ఈనాడు-ఈటీవీ భారత్​ను సంప్రదించారు. ఈ విషయాన్ని కార్పొరేటర్​ గంధం జ్యోత్స్న దృష్టికి తీసుకెళ్లగా ఆమె స్పందించారు.

మహారాష్ట్రకు చెందిన శివాజీరాజు జీవనోపాధి కోసం హైదరాబాద్‌ రామంతాపూర్​లోని శారదానగర్‌కు వచ్చాడు. రహదారి పక్కన చెప్పులు కుట్టుకుంటూ జీవనం సాగిస్తున్నాడు. అదే కాలనీలోని ఓ ఇంట్లో కుటుంబంతో అద్దెకుంటున్నాడు.

రాష్ట్ర ప్రభుత్వం విధించిన లాక్​డౌన్​తో కుటుంబ పోషణ భారమవుతోందని శివాజీరాజు ఈనాడు-ఈటీవీ భారత్‌ను సంప్రదించాడు. ఈటీవీ భారత్​ ఈ విషయాన్ని కార్పొరేటర్‌ గంధం జ్యోత్స్న దృష్టికి తీసుకెళ్లగా ఆమె స్పందించారు. నెల రోజులకు సరిపడా బియ్యం, నిత్యావసర సరుకులు అందజేశారు.