బీఏ, బీకాం, బీబీఏ కోర్సుల మొదటి, రెండో సంవత్సర విద్యార్థుల పరీక్షల షెడ్యూల్ను ఉస్మానియా విశ్వవిద్యాలయం ప్రకటించింది. ఈ పరీక్షలు నవంబర్ 23 నుంచి మొదలై... జనవరి 3 వరకు కొనసాగనున్నట్లు ప్రకటనలో పేర్కొంది. బీఏ కోర్సులోని మొదటి, రెండో సంవత్సర విద్యార్థుల పరీక్షలు నవంబర్ 23 నుంచి డిసెంబర్ 3 వరకు కొనసాగగా... బీకాం విద్యార్థులకు నవంబర్ 29 వరకు, బీబీఏ విద్యార్థుల పరీక్షలు నవంబర్ 28 వరకు జరగనున్నట్లు తెలిపారు.
కొవిడ్ నేపథ్యంలో అన్ని జాగ్రత్తల నడుమ పరీక్షలు నిర్వహించేందుకు చర్యలు తీసుకుంటున్నట్లు అధికారులు స్పష్టం చేశారు. ఉదయం 11 గంటల నుంచి మధ్యాహ్నం ఒంటి గంట వరకు మొదటి సంవత్సరం విద్యార్థలకు... మధ్యాహ్నం 3 గంటల నుంచి ఐదింటి వరకు రెండో ఏడాది విద్యార్థులకు పరీక్షలు నిర్వహించనున్నట్లు తెలిపారు. విద్యార్థులకు ఏలాంటి సందేహాలున్నా... https://www.ouexams.in/examnotifications లింకును సంప్రదించాల్సిందిగా అధికారులు సూచించారు.
