అసిస్టెంట్ ప్రొఫెసర్ల ఎంపిక కోసం నిర్వహించే యూజీసీ-నెట్(జాతీయ అర్హత పరీక్ష) (2020 డిసెంబర్, 2021 జూన్) పరీక్ష తేదీలను ఎన్టీఏ (జాతీయ పరీక్షల సంస్థ) వెల్లడించింది. యూజీసీ నెట్ డిసెంబర్ 2020 పరీక్షలను నవంబర్ 20, 21, 22, 24, 25, 26, 29, 30 తేదీల్లో నిర్వహించనున్నట్లు ప్రకటించింది. అదే విధంగా నెట్ జూన్ 2021 పరీక్షలను డిసెంబర్ 1, 3, 4, 5 తేదీల్లో నిర్వహించనున్నట్లు తెలిపింది.
అయితే ఈ యూజీసీ నెట్ పరీక్షలను ఈ నెల 17 నుంచి 25 మధ్యలో నిర్వహించాలని గతంలో నిర్ణయించినా.. ఆ తేదీల్లో ఇతర ప్రవేశ పరీక్షలు ఉండటంతో వాయిదా పడుతూ వచ్చింది. తాజాగా నవంబర్, డిసెంబర్ నెలల్లో పరీక్షలను నిర్వహించనున్నట్లు ఎన్టీఏ స్పష్టం చేసింది. ఈ నెట్ పరీక్షల్లో రెండు పేపర్లు ఉంటాయి. దీనిని కంప్యూటర్ ఆధారిత పరీక్ష(సీబీటీ) విధానంలో నిర్వహిస్తారు.
