దిశ నిందితుల ఎన్కౌంటర్ జరిగిన ఆ ప్రాంతంలో ఏం జరిగింది..?, కాల్పులు అక్కడే జరిగాయా..?, వేరేచోట జరిగితే శవాలను అక్కడ నుంచి తెచ్చి ఇక్కడ వేశారా..?, శవ పంచనామాలు చేసిన అధికారులను ఎన్హెచ్ఆర్సీ బృందం అడిగిన ప్రశ్నలివి. దిశ హత్యోదంతంలో పోలీసుల ఎదురుకాల్పుల్లో మృతిచెందిన మహ్మద్‌ ఆరిఫ్‌, చెన్నకేశవులు, శివ, నవీన్‌ల శవ పంచనామాలు చేసిన ఎగ్జిక్యూటివ్ మెజిస్ట్రేట్లు పాండునాయక్‌, రాములు, హైదర్‌అలీ తదితరులు ఎన్హెచ్ఆర్సీ బృందం ముందు హాజరయ్యారు.
పంచనామాల సమయంలో వీరు గుర్తించిన విషయాలపై ఆరా తీశారు. పోలీసులు చెప్పినదాంట్లో ఎంతవరకు వాస్తవాలున్నాయని ప్రశ్నించినట్లు తెలిసింది. ఈ క్రమంలో పంచనామాలో తమ దృష్టికి వచ్చిన ప్రతి విషయాన్నీ మెజిస్ట్రేట్లు వారికి వివరించారు. వేరే చోట నుంచి తెచ్చినట్లు ఏమాత్రం లేదని, అక్కడే రక్తం కూడా చిందిందని వారు చెప్పినట్లు తెలిసింది.
ఇవీ చూడండి: ఎన్కౌంటర్ జరిగిన స్థలాన్ని పరిశీలించిన సిట్
.
