శబ్దాలు మాత్రమే.. భూకంపం కాదు : ఎన్జీఆర్​ఐ

హైదరాబాద్​ బోరబండ ప్రాంతాన్ని ఎన్జీఆర్​ఐ శాస్త్రవేత్తలు, జీహెచ్​ఎంసీ డిప్యూటీ మేయర్​లు పర్యటించారు. శుక్రవారం రాత్రి బోరబండ పరిసర ప్రాంతాలను పరిశీలించారు. సాంకేతిక పరికరాల ద్వారా పరీక్షించి భయపడాల్సిన అవసరం లేదని.. అది భూకంపం కాదని.. భూమి నుంచి వచ్చిన శబ్దాలు మాత్రమే అని స్పష్టం చేశారు.

హైదరాబాద్​లోని బోరబండ, నాట్కో స్కూల్, సాయిబాబా నగర్​, ఎన్​ఆర్​ఆర్​ పురం తదితర ప్రాంతాల్లో శుక్రవారం రాత్రి వచ్చింది భూకంపం కాదని శాస్త్రవేత్తలు తేల్చి చెప్పారు. గ్రేటర్​ హైదరాబాద్​ మున్సిపల్​ కార్పోరేషన్​ డిప్యూటీ మేయర్​ బాబా ఫసీయుద్దీన్​, ఎన్జీఆర్ఐ శాస్త్రవేత్తలతో కలిసి.. ఆయా ప్రాంతాల్లో పర్యటించారు.

సీనియర్​ శాస్త్రవేత్త శేఖర్​ శబ్దాలు వచ్చిన ప్రాంతాల్లో పర్యటించి మైక్రో డైమర్​ హ్యాపింగ్, అబ్జర్వ్ ఇన్సాల్టింగ్ తదితర పరికరాలు అమర్చారు. రాత్రి సమయంలో భూమి నుంచి శబ్దాలు మాత్రమే అని.. భూకంపం కాదని ఆయన స్పష్టం చేశారు. ప్రజలెవరూ భయపడాల్సిన అవసరం లేదని డిప్యూటి మేయర్​ బాబా ఫసీయుద్దీన్​ ధైర్యం చెప్పారు.

ఇవీ చూడండి: సాహసం: పోటెత్తుతున్న నదిని ఈదుకుంటూ విధులకు..