రాజకీయ కక్షలు కాదు... రాజకీయ విజ్ఞత ప్రదర్శించండి: ఎంపీ రేవంత్​రెడ్డి

మంత్రి మల్లారెడ్డి అల్లుడికి ఓట్లు వేయలేదనే... లక్ష్మాపూర్​ గ్రామంపై కక్ష కట్టి, రైతుబంధు పథకం నిలిపివేశారని ఎంపీ రేవంత్ రెడ్డి విమర్శించారు. రాజకీయ కక్షలు వదిలేసి... తక్షణమే రైతుబంధు పథకం అమలు చేయాలని ట్వీట్ చేశారు.

మేడ్చల్ మల్కాజిగిరి జిల్లా మూడుచింతలపల్లి మండలం లక్ష్మాపూర్​కు రైతుబంధు పథకం నిలిపివేయడంపై మల్కాజిగిరి ఎంపీ రేవంత్​ రెడ్డి మండిపడ్డారు. రాష్ట్ర ముఖ్యమంత్రి కేసీఆర్​ దత్తత తీసుకున్న గ్రామానికే ప్రభుత్వ పథకం ఎందుకు నిలిపివేశారని ప్రశ్నించారు. 'రాజకీయ కక్షలు కాదు... రాజకీయ విజ్ఞత ప్రదర్శించండి.. లక్ష్మాపూర్​ గ్రామానికి తక్షణమే రైతుబంధు పథకం అమలు చేయండి' అని ట్వీట్​ చేశారు. మంత్రి మల్లారెడ్డి అల్లుడికి ఓట్లు వేయలేదని రైతులపై కక్ష కట్టారని రేవంత్ రెడ్డి ధ్వజమెత్తారు.

ఓట్లు వేయలేదని రైతులపై కక్ష కట్టారు: రేవంత్

ఇదీ చూడండి : ఖమ్మం కలికితు’రాయి’.. త్యాగానికి నిలువెత్తు నిదర్శనం