మహిళలు ఆర్థిక స్వావలంబన సాధించినప్పుడే నిజమైన సమాజంలో సమానత్వం వస్తుందని ఎమ్మెల్సీ కల్వకుంట్ల కవిత పేర్కొన్నారు. అంతర్జాతీయ మహిళా దినోత్సవం సందర్భంగా హైదరాబాద్ సోమాజిగూడలో దళిత్‌ ఇండియన్‌ ఛాంబర్‌ ఆఫ్‌ కామర్స్‌ అండ్ ఇండస్ట్రీ-డిక్కీ... ఏర్పాటు చేసిన కార్యక్రమంలో ఆమె పాల్గొన్నారు.
మహిళలు అన్ని ప్రధాన రంగాల్లో సత్తా చాటుతారు అనే భావన ప్రతి ఒక్కరిలో ఏర్పడ్డప్పుడే సమానత్వం వస్తుందని కవిత తెలిపారు. మహిళలు డబ్బు సంపాదించటం నేర్చుకుంటే నిర్ణయాధికారం మహిళలదే అవుతుందని వివరించారు. ఈ భేటీలో దళిత మహిళలను ప్రోత్సహించడానికి డిక్కీ చేస్తున్న కృషిని కవిత అభినందించారు.
ఆర్థిక స్వావలంబన సాధించినప్పుడే నిజమైన సమానత్వం: కవిత
ఇదీ చదవండి: 'అతివల విజయాలకు ప్రతీకగా మహిళా దినోత్సవం'
