Minister RK Roja phone missing: ఏపీ పర్యాటక, క్రీడలు, యువజన సర్వీసుల శాఖ మంత్రి ఆర్.కె. రోజా ఫోన్ చోరీకి గురైంది. తిరుపతి ఎస్వీయూ సెనెట్‌ హాల్లో రాష్ట్ర స్థాయి శాప్ అధికారులతో సమీక్ష నిర్వహించిన రోజా.. అంతకుముందు ఎస్వీయూ ఆవరణలో ఉన్న వెంకటేశ్వరస్వామి ఆలయానికి వెళ్లారు. స్వామివారిని దర్శించుకునే సమయంలో రోజా ఫోన్ చోరీకి గురైంది. విషయం తెలుసుకున్న పోలీసులు.. ట్రాకింగ్ ద్వారా మంత్రి ఫోన్ ఆచూకీ కోసం మూడు బృందాల ద్వారా గాలింపు చేపట్టారు.
చోరీకి గురైన మంత్రి ఫోన్ ఎస్వీయూలోని ఓ ఒప్పంద ఉద్యోగి వద్ద ఉన్నట్లు గుర్తించిన పోలీసులు.. అతడిని అదుపులోకి తీసుకుని రోజా ఫోన్ను స్వాధీనం చేసుకున్నారు. అనంతరం ఫోన్ను మంత్రికి అప్పగించారు. ఏకంగా మంత్రి సెల్ఫోన్నే చోరీ చేసిన ఒప్పంద ఉద్యోగిపై కేసు నమోదు చేసి, దర్యాప్తు చేస్తున్నారు.
ఇవీ చూడండి..
ACB Raids: జీహెచ్ఎంసీ టౌన్‌ప్లానింగ్‌ అధికారి ఇంట్లో అనిశా సోదాలు
