కేసీఆర్​కు బండి సంజయ్ లేఖ.. ఆ అర్హత లేదన్న నిరంజన్ రెడ్డి

Bandi Sanjay vs Niranjan Reddy: సీఎం కేసీఆర్​కు బండి సంజయ్ బహిరంగ లేఖ రాశారు. సంజయ్ రాసిన లేఖపై ఘాటుగా స్పందించారు మంత్రి నిరంజన్ రెడ్డి. యాసంగి వడ్ల కొనుగోలులో రైతులను తప్పుదోవ పట్టించిన బండి సంజయ్.. భాగ్యలక్ష్మీ ఆలయం వద్ద ముక్కు నేలకు రాయాలని పేర్కొన్నారు. నల్ల చట్టాలను తెచ్చి రైతులను ప్రధాని మోదీ బాధపెట్టారని.. కానీ అన్నదాతల సంక్షేమం గురించి ఆలోచించిన వ్యక్తి సీఎం కేసీఆర్ అని స్పష్టం చేశారు.

Bandi Sanjay vs Niranjan Reddy: ముఖ్యమంత్రి కేసీఆర్‌ ఎనిమిదేళ్ల పాలనంతా 'రైతుల కంట కన్నీరు- కేసీఆర్‌ ఫామ్‌హౌస్‌ పంట పన్నీరు'గా మారిందని భాజపా రాష్ట్ర అధ్యక్షుడు బండి సంజయ్‌ ఆరోపించారు. కేసీఆర్‌ను ఫామ్‌హౌస్‌ ముఖ్యమంత్రిగా పేర్కొంటూ ముఖ్యమంత్రికి బండి సంజయ్‌ మూడు పేజీల బహింరంగ లేఖ రాశారు. కేంద్రం, ప్రధాని మోదీపై ఆరోపణలు ఆపాలని లేఖలో పేర్కొన్నారు. వరి సహా 14 పంటలకు కనీస మద్దతు ధరను పెంచినందుకు ప్రధానికి ధన్యవాదాలు తెలిపారు. రైతుబంధు నిధులు రూ. 7,500 కోట్లను రైతుల ఖాతాలో వెంటనే జమ చేయాలని.. రైతు రుణమాఫీ పూర్తిగా అమలు చేయాలని లేఖలో బండి సంజయ్ డిమాండ్ చేశారు.

'ముఖ్యమంత్రి వ్యక్తిగత ప్రచారానికి, మంత్రి కేటీఆర్‌ విదేశీ పర్యటనకు కోట్ల నిధులు వెచ్చిస్తున్న ప్రభుత్వం రైతుబంధుకు.. రైతు రుణమాఫీకి సకాలంలో నిధులు కేటాయించకపోవడం బాధాకరం. రైతుబంధు నిధులు సకాలంలో విడుదల చేయకపోవడంతో అధిక వడ్డీలకు రైతులు రుణాలు తీసుకుంటూ అప్పుల పాలవతున్నారు. కిసాన్‌ సమ్మాన్‌ నిధి కింద కేంద్రం ఇప్పటి వరకు తెలంగాణలో రూ. 5,800 కోట్ల నిధులను జమచేసి రైతులను ఆదుకుంది. ఈ సీజన్ కోసం రూ.580 కోట్ల నిధులను విడుదల చేసింది.' అని బండి సంజయ్ లేఖలో పేర్కొన్నారు.

• 7500 కోట్లు రైతుబంధు నిధులను రైతుల ఖాతాల్లో జమచేయాలని, 2018 ఎన్నికల హామీ ప్రకారం రైతు రుణమాఫీ అమలు చేయాలని కోరుతూ ముఖ్యమంత్రి శ్రీ కేసీఆర్ గారికి బహిరంగ లేఖ.@TelanganaCMO pic.twitter.com/vlpQsCRulk

  — Bandi Sanjay Kumar (@bandisanjay_bjp) June 9, 2022 " class="align-text-top noRightClick twitterSection" data="

  7500 కోట్లు రైతుబంధు నిధులను రైతుల ఖాతాల్లో జమచేయాలని, 2018 ఎన్నికల హామీ ప్రకారం రైతు రుణమాఫీ అమలు చేయాలని కోరుతూ ముఖ్యమంత్రి శ్రీ కేసీఆర్ గారికి బహిరంగ లేఖ.@TelanganaCMO pic.twitter.com/vlpQsCRulk

  — Bandi Sanjay Kumar (@bandisanjay_bjp) June 9, 2022

  ">

  7500 కోట్లు రైతుబంధు నిధులను రైతుల ఖాతాల్లో జమచేయాలని, 2018 ఎన్నికల హామీ ప్రకారం రైతు రుణమాఫీ అమలు చేయాలని కోరుతూ ముఖ్యమంత్రి శ్రీ కేసీఆర్ గారికి బహిరంగ లేఖ.@TelanganaCMO pic.twitter.com/vlpQsCRulk

  — Bandi Sanjay Kumar (@bandisanjay_bjp) June 9, 2022

నిరంజన్ రెడ్డి ఫైర్: బండి సంజయ్ లేఖపై వ్యవసాయ శాఖ మంత్రి సింగిరెడ్డి నిరంజన్ రెడ్డి ఘాటుగా స్పందించారు. బండి సంజయ్​పై విమర్శలు గుప్పించారు. బండి సీఎం కేసీఆర్‌కు రాసిన లేఖ... నవ్విపోదురు కాక నాకేంటి సిగ్గు అన్న చందంగా ఉందని ఆక్షేపించారు. రైతుబంధుకు పీఎం కిసాన్‌ నిధికి నక్కకు నాగలోకానికి ఉన్నంత తేడా ఉందని పేర్కొన్నారు. 'యాసంగి వడ్లు కొనిపించే బాధ్యత నాది... రైతులు వరి వేయాలి' అన్న బండి సంజయ్.. ఆ తరువాత మొహం చాటేశారని మంత్రి మండిపడ్డారు. ముఖ్యమంత్రి పెద్ద మనసుతో యాసంగి వడ్లను కొనుగోలు చేశారని... రైతులను రెచ్చగొట్టి పక్కకు తప్పుకున్న సంజయ్ వారికి క్షమాపణ చెప్పి పాతబస్తీ భాగ్యలక్ష్మి ఆలయం వద్ద ముక్కు నేలకు రాయాలన్నారు. రైతుబంధు, రైతుబీమాపై మాట్లాడే అర్హత భాజపాకు లేదన్నారు. కేంద్రం మద్దతు ధరలు ప్రకటించిన 14 పంటల్లో పొద్దుతిరుగుడు మినహా మరే పంట సాగు చేసినా గిట్టుబాటు కాదని ఎద్దేవా చేశారు.

'రైతుల సంక్షేమం దృష్ట్యా రైతుబంధు, రైతుబీమా, 24 గంటల విద్యుత్, సాగు నీరు ఇస్తున్న ఏకైక రాష్ట్రం తెలంగాణ. నల్ల చట్టాలు తెచ్చి 16 నెలల రైతుల పోరాటానికి తలొగ్గి క్షమాపణలు చెప్పి వెనక్కి తీసుకున్న చరిత్ర ప్రధాని మోదీది. రాష్ట్రంలో పెట్టుబడుల కోసం విదేశీ పర్యటనలకు వెళ్లిన కేటీఆర్‌ను విమర్శిస్తున్న సంజయ్... ప్రధాని 8 ఏళ్లలో ప్రధాని విదేశీ పర్యటనల ఖర్చు గురించి తెలుసుకోవాలి. పీఎం ఫసల్ బీమా పథకంలో అంత పస ఉంటే గుజరాత్‌లో ఎందుకు అమలు చేయడం లేదో అడిగి తెలుసుకోవాల'ని బండి సంజయ్​కు నిరంజన్ రెడ్డి సూచించారు.

ఇవీ చదవండి: ఆ నివేదికను తీవ్రంగా పరిగణించాల్సిన అవసరముంది: కేటీఆర్