Shiv sena Mp on KCR: ముఖ్యమంత్రి కేసీఆర్పై శివసేన ఎంపీ సంజయ్రౌత్ ప్రశంసల జల్లు కురిపించారు. కేసీఆర్ తన రాజకీయ జీవితంలో ఎంతో కష్టపడ్డారని.. ఎన్నో కష్టాలను ఓర్చి ఈస్థాయికి వచ్చారని కొనియాడారు. అన్ని రాజకీయ పక్షాలకు ఒక్కటి చేసే సత్తా కేసీఆర్కు ఉందని రౌత్ ప్రశంసించారు.
నిన్న సీఎం కేసీఆర్.. మహారాష్ట్ర ముఖ్యమంత్రి ఉద్ధవ్ ఠాక్రే, ఎన్సీపీ అధినేత శరద్ పవార్తో భేటీ అయ్యారు. జాతీయ స్థాయిలో భాజపా వ్యతిరేక పక్షాలను ఏకం చేసే లక్ష్యంతో కీలక చర్చలు నిర్వహించారు. ఈ భేటీలో పాల్గొన్న అనంతరం సంజయ్ రౌత్ మీడియాతో మాట్లాడారు. తెలంగాణ, మహారాష్ట్ర ముఖ్యమంత్రులు కేసీఆర్, ఉద్ధవ్ ఠాక్రే.. దేశంలోని ప్రస్తుత రాజకీయ పరిస్థితులపై చర్చించినట్లు రౌత్ చెప్పారు. ఇతర పార్టీల నేతలతో త్వరలోనే భేటీ ఉంటుందని పేర్కొన్నారు. ప్రస్తుతం జరుగుతున్న ఉత్తరప్రదేశ్ ఎన్నికల్లో భాజపా ఓటమి ఖాయమని చెప్పారు.
సీఎం కేసీఆర్ కష్టజీవి. రాజకీయ జీవితంలో ఎన్నో ఇబ్బందులు పడ్డారు. భాజపాకు వ్యతిరేకంగా అన్ని పక్షాలను ఏకం చేసే సత్తా తెలంగాణ ముఖ్యమంత్రికి ఉంది. యూపీ ఎన్నికల్లో భాజపా ఓడిపోతుంది.
- సంజయ్ రౌత్, శివసేన ఎంపీ
ఇదీచూడండి:
