ప్రభుత్వ పాఠశాలల్లో ఉపాధ్యాయుల నియమాకానికి సంబంధించి 16,000 టీచర్ పోస్టుల స్థానంలో విద్యా వాలంటీర్లను నియమించారు. వారితోనే విద్యాబోధన జరుపుతున్నారు. అంటే ఈ 16 వేల పోస్టులు ఖాళీ ఉన్నట్లు చెప్పకనే చెబుతున్నాయి. కాబట్టి తక్షణమే ఈ పోస్టుల భర్తీకి ప్రభుత్వ చర్యలు చేపట్టాలి. మన వద్ద ఉన్న ఉపాధ్యాయులతో పూర్తి స్థాయిలో ఆన్లైన్ బోధన చేపట్టే అవకాశం లేదు. కాబట్టి తక్షణమే విద్యావాలంటీర్ల వ్యవస్థను పునరుద్ధరించాలి. గడిచిన ఐదు మాసాలుగా వారికి జీతాలు ఏవిధంగా చెల్లింపులు చేపట్టారు? - జీవన్రెడ్డి, కాంగ్రెస్ ఎమ్మెల్సీ.
194 పాఠశాల్లలో ప్రధానోపాధ్యాయుల పోస్టుల్లో 90 వరకు పూర్తి చేయడం జరిగింది. ఇంకా కొన్ని ఖాళీలున్నాయి. వాటితో పాటు 2, 552 మంది పోస్టు గ్రాడ్యూయేట్స్ని మోడల్ స్కూళ్లకు మంజూరు చేయండి జరిగింది. గతేడాది 1,024 మంది విద్యావాలంటీర్లుగా ఉపయోగించుకున్నాం. వారి సేవలను మర్చిపోము. ప్రస్తుత విద్యాసంవత్సరంలో కూడా ఎక్కడ అవసరముంటే అక్కడ విద్యావాలంటీర్ల సేవలు వినియోగించుకుంటాం. ఖాళీ ఏర్పడిన స్థానాల్లో విద్యావాలంటీర్లతో భర్తీ చేయడం కుదరదు. శాశ్విత ఉద్యోగులను పబ్లిక్ సర్వీస్ కమిషన్ ద్వారా నియమించుకుంటాం. విద్యావాలంటీర్లను సంబంధిత జిల్లా కలెక్టర్ నేతృత్వంలోని కమిటీ నియమిస్తుంది. ఉమ్మడి సర్వీసులకు సంబంధించి కోర్టులో ఉన్నందున త్వరలోనే పరిష్కారం దొరకుతుందని ఆశిస్తున్నాం. - సబితాఇంద్రారెడ్డి, విద్యాశాఖ మంత్రి.
ఇవీ చూడండి: శాసనసభలో స్పీకర్‌తో విపక్షాల వాగ్వాదం
