వర్షాలు, వరదల పరిస్థితిని జలవనరుల శాఖ ఎప్పటికప్పుడు పర్యవేక్షిస్తోంది. జిల్లా అధికారులు, ఇంజినీర్లతో ఆ శాఖ ముఖ్యకార్యదర్శి రజత్ కుమార్ క్షేత్రస్థాయి పరిస్థితులను ఆరా తీస్తున్నారు. గోదావరి నదిలోకి భారీగా వరద వస్తున్న నేపథ్యంలో అధికారులు, ఇంజినీర్లను పూర్తి అప్రమత్తం చేశారు.
వరంగల్ గ్రామీణ జిల్లాకు ప్రత్యేకంగా నీటిపారుదల అధికారిని నియమించారు. పరిస్థితుల పర్యవేక్షణ కోసం దేవాదుల చీఫ్ ఇంజనీర్ను ములుగు వెళ్లాలని ఆదేశించారు. హైదరాబాద్ జలసౌధలో 24 గంటల పాటు పనిచేసేలా కంట్రోల్ రూం ఏర్పాటు చేశారు. చీఫ్ ఇంజనీర్ను ఇన్ఛార్జ్గా నియమించారు.
వర్షాలు, వరదలతో పలు ప్రాంతాల్లో చాలా చెరువులు పూర్తిగా నిండాయి. అలుగు పారుతున్నాయి. వరద ఉద్ధృతంగా ఉన్న చెరువు కట్టలకు మాత్రం ఎక్కడా పెద్దగా గండ్లు పడలేదని నీటిపారుదల శాఖ అధికారులు చెబుతున్నారు.
ఖమ్మం, వరంగల్, కరీంనగర్ జిల్లాల్లో మూడు, నాలుగు చోట్ల చిన్న చెరువులు, కుంటలు కొంత మేర దెబ్బతిన్నట్లు తెలిపారు. పరిస్థితులను ఎప్పటికప్పుడు పర్యవేక్షిస్తూ అవసరమైన జాగ్రత్తలు, చర్యలు తీసుకుంటున్నట్లు రజత్ కుమార్ వెల్లడించారు.
ఇవీచూడండి: వచ్చే 48 గంటల్లో రాష్ట్రవ్యాప్తంగా మోస్తరు నుంచి భారీ వర్ష సూచన
