లాక్డౌన్తో బార్లు, క్లబ్లు, పబ్లు, మద్యం దుకాణాలు అన్నీ మూతపడ్డాయి. లాక్డౌన్ విధిస్తారని తెలియగానే మందుబాబులు కొందరు ముందు జాగ్రత్తగా అధనంగా కొని దాచుకున్నారు. సాధారణంగా రోజుకి సగటున రూ. 60 కోట్లు విలువైన మద్యం అమ్ముడయ్యేది. మార్చి 18న రూ.56 కోట్లు, 19న రూ.54.84 కోట్లు, 20న రూ.83 కోట్ల విక్రయాలు జరిగితే... ఒక్క మార్చి 21 నాడే రూ.110 కోట్ల విలువైన మద్యం అమ్ముడైంది. .
కిక్కు లేక మతిస్థిమితం కోల్పోతున్నారు
బానిసలుగా మారిన కొందరు మద్యం ప్రియలు... మందు దొరకక దుకాణాల వద్ద మకాం పేసి కాపు కాస్తున్నారు. మరికొందరైతే... దొంగతనం చేసేందుకు యత్నించి విఫలమయ్యారు. మద్యం, కల్లు దొరకక మతిస్థిమితం కోల్పోయారు. ఎర్రగడ్డ పిచ్చి ఆసుపత్రికి వందల సంఖ్యలో చికిత్స కోసం వస్తున్నారంటే పరిస్థితి ఎలా ఉందో అర్థం చేసుకోవచ్చు. కొంతమంది ఆత్మహత్యలు కూడా చేసుకుంటున్నారు. ఈ సమయాన్ని అదనుగా చేసుకొని దాచుకున్న మద్యాన్ని ఇష్టానుసారంగా అమ్మి జేబులు నింపుకుంటున్నారు అక్రమార్కులు.
ఆడిందే ఆట..
ఈ నెల 6న అర్ధరాత్రి రామాంతాపూర్లో రాజా రాజేశ్వరి మద్యం దుకాణం నుంచి అక్రమంగా మద్యం తరలిస్తుండగా ఉప్పల్ పెట్రోలింగ్ పోలీసులు పట్టుకున్నారు. యజమానే దొంగచాటుగా బయటకు తెచ్చి విక్రయిస్తున్నట్టు ఆబ్కారీ అధికారుల విచారణలో వెల్లడైంది. ఈ నెల 8న జగద్గిరిగుట్ట వద్ద వేగంగా వెళ్తున్న ఓ కారును ఆపి తనిఖీ చేయగా... 50 బీరు సీసాలు దొరికాయి. ఆదివారం నాడు సికింద్రాబాద్ బొల్లారం చెక్పోస్టు వద్ద మరో కారును చెక్ చేయగా... 32 ఖరీదైన మద్యం బాటిళ్లు లభించాయి. దొరికితే దొంగ లేకుంటే దొర అన్నట్టు ఉంది వ్యవహారం.
లాక్డౌన్ కొనసాగుతున్నందున వాహనాలు పూర్తిస్థాయిలో తనిఖీ చేయడం లేదు. అనుమానం వచ్చిన వాటిని మాత్రమే చెక్ చేయడం వల్ల అక్రమార్కులకు రాజమార్గంగా మారింది. లాక్డౌన్ కాలంలో వారు ఆడిందే ఆట.. పాటిందే పాటగా మారింది. ఇప్పటికైనా వాహనాలు పూర్తిస్థాయిలో తనిఖీ చేస్తే మద్యం రవాణాతో పాటు ఇతర అక్రమాలు కూడా బయటకొస్తాయని ఆబ్కారీ శాఖ అధికారులు పేర్కొంటున్నారు.
ఇదీ చూడండి: లాక్డౌన్ అమలు చేస్తేనే కరోనా వ్యాప్తి డౌన్!
