విశాఖలో హెచ్పీసీఎల్ రిఫైనరీలో తెల్లటి పొగలు కాసేపు కలకలం రేపాయి. ప్లాంట్లోని సీడీయూ-3ని ఇవాళ తెరిచేందుకు అధికారులు సన్నాహాలు చేశారు. అది తెరిచే సమయంలో ఒక్కసారిగా తెల్లని పొగ అలుముకోవడంతో స్థానికులు భయాందోళనకు గురయ్యారు. అయితే దీనిని వెంటనే నియంత్రించామని హెచ్పీసీఎల్ అధికారులు తెలిపారు. ఇప్పుడు పరిస్థితి అదుపులో ఉందన్నారు.
పొగ భారీగా రావడం చూసి పక్కనే ఉన్న ఎన్ఏడీ, మర్రిపాలెం, కంచరపాలెం వాసులు ఇళ్ల నుంచి ఒక్కసారిగా బయటకు వచ్చారు. కొద్దిసేపు అనంతరం పొగలు ఆగిపోవడంతో స్థానికులు ఊపిరిపీల్చుకున్నారు.
