కరోనా సమయంలో ఎంతో మందికి చేయూతనందించిన రియల్ హీరో సోనూ సూద్.. మరోసారి తన దాతృత్వాన్ని చాటుకున్నారు. ఆక్సిజన్ అందక ఎంతో మంది ప్రాణాలు కోల్పోవడంతో చలించిన బాలీవుడ్ నటుడు.. ఏపీలోని నెల్లూరు జిల్లాలో ఆక్సిజన్ ప్లాంట్ ఏర్పాటు చేస్తానని గతంలోనే ప్రకటించారు. తాను ఇచ్చిన మాట ప్రకారం.. ఆక్సిజన్ ప్లాంట్ను నెల్లూరు జిల్లాకు పంపించారు. నగరంలోని అయ్యప్పగుడి సెంటర్ వద్దకు చేరుకున్న ఆక్సిజన్ ప్లాంట్కు.. సోనూసూద్ అభిమానులు ఘన స్వాగతం పలికారు.
సర్వమత ప్రార్ధనలు నిర్వహించిన అభిమానులు.. అనంతరం బాణాసంచా కాల్చి రియల్ హీరో సోనూ సూద్కు అభినందనలు తెలిపారు. నెల్లూరు జిల్లాలోని ఆత్మకూరు ప్రభుత్వ వైద్యశాలలో ఈ ప్లాంట్ ఏర్పాటు చేయనున్నారు. తన దాతృత్వంతో విపత్కర పరిస్థితుల్లో నిజమైన హీరోగా సోనూసూద్ ప్రజల గుండెల్లో స్థానం సంపాదించారని ఆయన అభిమానులు కొనియాడారు.
ఇదీ చదవండి:
