'ఆస్తి పన్ను తగ్గించి... లీజ్​ సమయాన్ని పెంచండి'

ఉప్పల్​ స్టేడియం ఆస్తిపన్ను తగ్గించి... లీజ్ కాలాన్ని పెంచండి అంటూ హైదరాబాద్​ క్రికెట్ అసోసియేషన్ అధ్యక్షుడు అజారుద్దీన్ మంత్రులు కేటీఆర్, శ్రీనివాస్​గౌడ్​లకు విజ్ఞప్తి చేశారు. దీనిపై మంత్రులు సానుకూలంగా స్పందించినట్లు తెలిపారు.

హైదరాబాద్​ క్రికెట్ అసోసియేషన్ అధ్యక్షుడు అజారుద్దీన్.. మంత్రులు కేటీఆర్, శ్రీనివాస్​ గౌడ్​లను కలిశారు. ఉప్పల్ స్టేడియం ఆస్తి పన్నును తగ్గించి... లీజ్ సమయాన్ని పెంచాలని వారు విజ్ఞప్తి చేశారు.

గ్రామీణ స్థాయిలో క్రికెట్​ను అభివృద్ధి చేయడానికి... గ్రామీణ క్రీడాకారులను వెలికితీయడానికి హైదరాబాద్​ క్రికెట్ అసోసియేషన్ పనిచేస్తోందని అజారుద్దీన్ వివరించారు. ఈ ప్రతిపాదనకు సానుకూలంగా స్పందించిన మంత్రులు... ముఖ్యమంత్రితో చర్చిస్తామని వెల్లడించారు.

ఇదీ చూడండి: నవంబర్ 15 నుంచి రామగుండంలో 'కిసాన్ బ్రాండ్' యూరియా