మొన్నటి వరకు స్టెతస్కోప్ వేసుకొని రోగులను చికిత్స అందించిన వైద్యురాలు... నేడు కార్పొరేటర్గా గెలిచి బస్తీల్లో చెత్తను శుభ్రం చేశారు. బల్దియా ఎన్నికల్లో గన్ఫౌండ్రి డివిజన్ నుంచి భాజపా కార్పొరేటర్గా ఎన్నికైన డా.సురేఖ స్వచ్ఛ భారత్ కార్యక్రమానికి శ్రీకారం చుట్టారు. డా. బీఆర్ అంబేడ్కర్ 64వ వర్ధంతి సందర్భంగా హైదరాబాద్ అబిడ్స్ చిరాగ్గల్లీలైన్లోని నేతాజీనగర్ బస్తీలో ఉన్న ఆయన విగ్రహానికి పూల మాల వేసి నివాళులర్పించారు.
నివాళులర్పించే సమయంలో... అంబేడ్కర్ విగ్రహం పక్కనే చెత్త పేరుకుపోయి ఉండటం గ్రహించిన కార్పొరేటర్ సురేఖ... అధికారులకు ఫోన్లో విషయం తెలిపారు. ఎంతసేపటికీ స్పందన రాకపోవడం వల్ల కార్పొరేటరే రంగంలోకి దిగారు. చీపురు పట్టి శుభ్రం చేసి... పారపట్టి చెత్తను ఎత్తారు. బస్తీ ప్రజలు ఎవరు అక్కడ చెత్త వేయొద్దని... చెత్తకుండీల్లోనే వేయాలని సురేఖ సూచించారు.
