Bonds sale: బాండ్ల విక్రయం ద్వారా ఈ వారం తీసుకోవాలనుకున్న రుణమొత్తాన్ని రాష్ట్ర ప్రభుత్వం వెయ్యి కోట్లు నుంచి 500 కోట్లకు తగ్గించింది. వెయ్యి కోట్లు సమకూర్చుకోవాలని మొదట ప్రభుత్వం భావించింది. 18, 19ఏళ్ల కాలానికి 500కోట్ల చొప్పున రిజర్వ్బ్యాంకు ద్వారా బాండ్ల నోటిఫికేషన్ జారీ చేసేందుకు ఆర్థిక శాఖ ప్రకటనలు జారీ చేసింది.
అయితే తరవాత నిర్ణయం మార్చుకున్న ప్రభుత్వం 500కోట్ల విలువైన బాండ్లు మాత్రమే జారీ చేయాలని నిర్ణయించింది. ఈ మేరకు ఆర్బీఐ ద్వారా 18ఏళ్ల కాలానికి బాండ్లు జారీచేసింది. ఈనెల 20న ఆర్బీఐ బాండ్లను వేలం వేయనుంది. 2022-23 ఆర్థిక సంవత్సరంలో రాష్ట్ర ప్రభుత్వం ఇప్పటివరకు ఎఫ్ఆర్బీఎమ్ పరిధికి లోబడి బాండ్ల విక్రయం ద్వారా 19వేల 5వందల కోట్లు సమీకరించింది. తాజాగా మరో 500 కోట్ల విలువైన బాండ్లను జారీ చేసింది. దీంతో ఈ రుణాల మొత్తం 20వేల కోట్లకు చేరనుంది.
ఇవీ చదవండి:
