Horoscope Today November 6th 2024 : నవంబర్ 6వ తేదీ (బుధవారం) మీ రాశి ఫలం ఎలా ఉందంటే?
మేషం (Aries) : మేషరాశి వారికి ఈ రోజు మిశ్రమ ఫలితాలు ఉంటాయి. అనారోగ్య సమస్యల కారణంగా ఆందోళనలో ఉంటారు. పని ఒత్తిడి ఎక్కువ కావడం వల్ల విశ్రాంతి లేమి, అలసట, బద్ధకం ఇబ్బంది పెడతాయి. వృత్తి వ్యాపారాలలో సానుకూల ఫలితాలు లేకపోవడం వల్ల ఈ రోజంతా ఉద్రిక్త స్వభావంతోనే ఉండవచ్చు. ముఖ్యమైన వ్యవహారాలలో ముక్కు సూటిగా ఉండడానికి ప్రయత్నం చెయ్యండి. ఉద్యోగులు కొత్త బాధ్యతలు స్వీకరిస్తారు. పనిలో నిర్లక్ష్య వైఖరి కూడదు. ఆదాయాన్ని మించిన ఖర్చులు ఉంటాయి. సూర్య ఆరాధన శ్రేయస్కరం.
వృషభం (Taurus) : వృషభరాశి వారికి ఈ రోజు ప్రతికూల ఫలితాలు గోచరిస్తున్నాయి. అన్ని రంగాల వారికి వృత్తి వ్యాపారాలలో పనిభారం పెరగడం వల్ల తీవ్ర ఒత్తిడికి లోనవుతారు. ధ్యానం చేస్తూ ప్రశాంతతను అలవరచుకుంటే ఒత్తిడిని అధిగమించవచ్చు. ఉద్యోగులు సకాలంలో పనులు పూర్తి చేయలేక పై అధికారుల ఆగ్రహానికి గురవుతారు. కోర్టు వ్యవహారాలు, ప్రయాణాలు వాయిదా వేస్తే మంచిది. ఆరోగ్యంపై శ్రద్ద పెట్టండి. కొత్త పనులు ప్రారంభించవద్దు. విఘ్న వినాయకుని ఆరాధిస్తే మేలు జరుగుతుంది.
మిథునం (Gemini) : మిథున రాశి వారికి ఈ రోజు సంతోషంగా, ఉత్సాహంగా ఉంటుంది. ఉద్యోగంలో హోదా పెరగడం, సమాజంలో కీర్తి ప్రతిష్ఠలు పెరగడం మీ బంధువులలో మిమ్మల్ని ఉన్నతంగా ఉంచుతాయి. ఆదాయం సంతృప్తికరంగా ఉంటుంది. కుటుంబసభ్యులతో విహారయాత్రలకు వెళతారు. ఆరోగ్యం బాగుంటుంది. మానసికంగా ప్రశాంతంగా ఉంటారు. నూతన వస్తువాహనాలు కొనుగోలు చేస్తారు. ఇష్ట దేవతారాధన శుభకరం.
కర్కాటకం (Cancer) : కర్కాటక రాశి వారికి ఈ రోజు అదృష్టదాయకంగా ఉంటుంది. ముఖ్యంగా వ్యాపారులకు వ్యాపారపరంగా చాలా అదృష్టమైన రోజు. ఉద్యోగులకు స్నేహితుల నుంచి సహోద్యోగుల నుంచి సంపూర్ణ సహకారం ఉంటుంది. ఉన్నతాధికారులతో సత్సంబంధాలు నెలకొంటాయి. ప్రమోషన్ ఛాన్స్ ఉంది. కుటుంబ సౌఖ్యం ఉంటుంది. వృథా ఖర్చులు నివారిస్తే మంచిది. శ్రీలక్ష్మీదేవి ధ్యానం శుభకరం.
సింహం (Leo) : సింహరాశి వారికి ఈ రోజు మిశ్రమ ఫలితాలు ఉంటాయి. వృత్తివ్యాపారాలలో శ్రమకు తగిన ఫలితాలు ఉంటాయి. సృజనాత్మకతతో విన్నూత్నంగా ఆలోచించి అందరి దృష్టిని ఆకర్షిస్తారు. విద్యార్థులు చదువులో రాణిస్తారు. సన్నిహితులతో చిన్నపాటి కలహాల కారణంగా కోపావేశాలతో ఉంటారు. కోపాన్ని అదుపులో ఉంచుకొని ముఖ్యమైన పనుల మీద దృష్టి సారిస్తే మంచిది. ఆరోగ్యం బాగుంటుంది. కార్యసిద్ధి హనుమ ఆరాధన శుభకరం.
కన్య (Virgo) : కన్యారాశి వారికి ఈ రోజు సామాన్యంగా ఉంటుంది. అన్ని రంగాల వారికి వృత్తి పరంగా చెప్పుకోతగ్గ మార్పులేమీ ఉండవు. సోమరితనం, బద్దకం కారణంగా ఏ పనులు సమయానికి పూర్తి చేయలేక పోతారు. కీలక నిర్ణయాలు తీసుకునే సమర్ధత లోపిస్తుంది. జీవితభాగస్వామితో కలహాలకు ఆస్కారముంది. కుటుంబ సభ్యుల అనారోగ్యం ఆందోళన కల్గిస్తుంది. స్థిరాస్తి వ్యవహారాలు, కోర్టు వ్యవహారాలు వాయిదా వేస్తే మంచిది. నవగ్రహ శ్లోకాలు పఠిస్తే ప్రతికూలతలు తొలగిపోతాయి.
తుల (Libra) : తులారాశి వారికి ఈ రోజు అనుకూలంగా ఉంటుంది. ఈ రాశి వారి ఈ రోజు విహారయాత్రలపై అధికంగా ఆసక్తి చూపిస్తారు. సన్నిహితులతో పర్యటించడం వల్ల ఉత్సాహంగా ఆనందంగా ఉంటారు. దైవబలం మీద విశ్వాసం ఉంచితే వృత్తి పరంగా, వ్యక్తిగతంగా గొప్ప శుభఫలితాలు ఉంటాయి. కుటుంబ వ్యవహారాలు అనుకూలిస్తాయి. వృత్తి పరంగా శత్రువుల మీద విజయం సాధిస్తారు. చేపట్టిన అన్ని పనుల్లో విజయం మీదే! ఆదాయం గణనీయంగా వృద్ధి చెందుతుంది. ఇష్ట దేవత ఆలయ సందర్శన శుభకరం.
వృశ్చికం (Scorpio) : వృశ్చికరాశి వారికి ఈ రోజు సాధారణంగా ఉంటుంది. అన్ని రంగాల వారికి శ్రమతో కూడిన ఫలితాలు ఉంటాయి. అనవసరపు ఖర్చులను నియంత్రణలో పెట్టుకోవాలి. ఇతరులతో మాట్లాడే తీరు మర్యాదగా ఉండేలా జాగ్రత్త వహించండి. మౌనాన్ని ఆశ్రయిస్తే గృహంలో శాంతి వృద్ధి చెందుతుంది. ప్రతికూల ఆలోచనలకు, నిరాశావాదంకు దూరంగా ఉండండి. ఆధ్యాత్మిక, ధార్మిక కార్యకమాల కోసం అధికంగా ఖర్చు చేస్తారు. శ్రీ సుబ్రహ్మణ్య భుజంగ స్తోత్రం పఠిస్తే మెరుగైన ఫలితాలు ఉంటాయి.
ధనుస్సు (Sagittarius) : ధనుస్సురాశి వారికి ఈ రోజు ఆనందదాయకంగా ఉంటుంది. కుటుంబ సభ్యులతో తీర్థయాత్రలకు వెళ్లే అవకాశాలున్నాయి. అన్ని రంగాల వారు చేపట్టిన పనులను మీదైన శైలిలో ప్రణాళిక ప్రకారం పూర్తి చేస్తారు. ఆదాయం పెరగడంతో ఉల్లాసభరితంగా, సంతోషకరమైన అనుభూతి చెందుతారు. ఆరోగ్యం బాగుంటుంది. కుటుంబంలో శుభకార్యాలు జరుగుతాయి. బంధు మిత్రులతో సంతోషంగా గడుపుతారు. శ్రీ వేంకటేశ్వర స్వామి ఆలయ సందర్శన శుభకరం.
మకరం (Capricorn) : మకరరాశి వారికి ఈ రోజు సామాన్యంగా ఉంటుంది. గ్రహసంచారం అనుకూలంగా లేనందున అన్ని రంగాల వారు చేసే ప్రతి పనిలోనూ ఆచి తూచి అడుగు వేయాల్సి ఉంటుంది. ఉద్యోగులకు పనిభారం పెరుగుతుంది. సహోద్యోగుల సహకారం ఉంటుంది. వ్యాపారంలో ఆర్ధికంగా నష్టపోయే ప్రమాదముంది. వృథా ఖర్చులు నివారిస్తే మంచిది. ధార్మిక, సామాజిక కార్యక్రమాల నిమిత్తం అధిక ధనవ్యయం ఉంటుంది. అనారోగ్య సమస్యలు ఇబ్బంది పెడతాయి. కుటుంబ సభ్యులతో, బంధువులతో కలహాలు మనస్తాపం కలిగిస్తాయి. హనుమాన్ చాలీసా పారాయణతో ఆపదలు తొలగిపోతాయి.
కుంభం (Aquarius) : కుంభరాశి వారికి ఈ రోజు శుభప్రదంగా ఉంటుంది. ముఖ్యంగా వ్యాపారులకు అదృష్టం వరించి పట్టిందల్లా బంగారం అవుతుంది. కొత్త ప్రాజెక్టులు, అసైన్మెంట్లు మొదలు పెట్టడానికి ఈ రోజు శుభకరంగా ఉంటుంది. వృత్తి పరంగా ఉన్నత స్థానానికి చేరుకుంటారు. సామాజికంగా మంచి కీర్తి ప్రతిష్ఠలు సాధిస్తారు. అవివాహితులకు వివాహం నిశ్చయమవుతుంది. ఉద్యోగాన్వేషణలో ఉన్నవారు త్వరలో శుభవార్తలు వింటారు. ఇష్ట దేవతారాధన శుభప్రదం.
మీనం (Pisces) : మీన రాశి వారికి ఈ రోజు అనుకూలంగా ఉంటుంది. ముఖ్యంగా వ్యాపారస్తులకు ఈ రోజు చాలా అనుకూలమైన రోజు. వ్యాపార విస్తరణ కోసం మీరు చేసే ప్రయత్నాలు విజయానికి దారితీస్తాయి. మీ పై అధికారుల మీ పనితీరు పట్ల సంతృప్తి వ్యక్తం చేస్తారు. పదోన్నతికి కూడా అవకాశం ఉంది. వ్యాపారస్తులు వ్యాపారంలో రాణిస్తారు. అధిక లాభాలను అందుకుంటారు. పిత్రార్జితం కలిసి వస్తుంది. శ్రీ విష్ణు సహస్రనామ పారాయణ శుభకరం.
