గ్రామ పంచాయతీలు, పురపాలికలు.. ప్రతినెలా విధిగా విద్యుత్ బిల్లులు చెల్లించాల్సిందేనని ప్రభుత్వ ప్రధాన కార్యదర్శి సోమేశ్కుమార్ స్పష్టం చేశారు. లేని పక్షంలో తీవ్రంగా పరిగణిస్తామని హెచ్చరించారు. ముఖ్యమంత్రి కేసీఆర్ ఆదేశాలతో డిస్కంలు, పురపాలక, పంచాయతీరాజ్ శాఖల అధికారులతో సీఎస్ సమావేశమయ్యారు. విద్యుత్ బిల్లుల చెల్లింపులపై సమీక్షించారు.
ప్రతినెలా విద్యుత్ బిల్లులు చెల్లించేలా చూడాలని అధికారులకు సీఎస్ సోమేశ్కుమార్ సూచించారు. బకాయిలు చెల్లింపుల విషయమై త్వరలోనే సీఎం కేసీఆర్ విధానపరమైన నిర్ణయం తీసుకుంటారన్నారు. గ్రామ పంచాయతీలు, పురపాలికలతో చర్చించి బకాయిల చెల్లింపులపై వారం రోజుల్లో సమగ్ర నివేదిక రూపొందించాలని డిస్కంలకు సూచించారు. పనిచేయని బోర్లు, ఇతర విద్యుత్ బిల్లుల్లో వ్యత్యాసాలను సరిచేసేందుకు ఉమ్మడి బృందాలు ఏర్పాటు చేయాలని సూచించారు. విద్యుత్ మీటర్ల రీడింగ్ ద్వారానే బిల్లులు వసూలు చేయాలన్న సోమేశ్ కుమార్... మీటర్లు లేని అన్ని చోట నెలరోజుల్లో ఏర్పాటు చేయాలని ఆదేశించారు.
ఇవీచూడండి: గ్రీన్ ఇండియా ఛాలెంజ్లో మొక్కలు నాటిన ద్రోణవల్లి హారిక
