రాష్ట్రంలో 45ఏళ్లు పైబడిన వారికి కరోనా వ్యాక్సిన్ ప్రక్రియ ప్రారంభమైంది. తెలంగాణ వ్యాప్తంగా సుమారు 80 లక్షల మంది 45 ఏళ్లు పైబడిన వారు ఉన్నట్టు వైద్య, ఆరోగ్య శాఖ గుర్తించింది. ఇప్పటికే ఆరోగ్య సిబ్బంది, ఫ్రంట్ లైన్ వర్కర్లు సహా 45 ఏళ్లు దాటిన 10 లక్షల మందికి తొలిడోసు ఇచ్చినట్లు తెలిపింది. రోజుకు లక్ష మందికి వ్యాక్సిన్ ఇచ్చేలా ఏర్పాట్లు చేసినట్లు వెల్లడించింది. రాష్ట్రంలో 2 వేల కేంద్రాల్లో వ్యాక్సినేషన్ ప్రక్రియ జరుగుతోంది.
ఇప్పటివరకు 9 లక్షల 93 వేల మందికి తొలి డోసు..... 2 లక్షల 36 వేల మందికి రెండో డోసు ఇచ్చినట్లు వైద్య ఆరోగ్య శాఖ పేర్కొంది. రాష్ట్రంలో టీకాల వృథా కేవలం 2.01 శాతమేనని తెలిపింది.
