మరో అంతర్జాతీయ సదస్సులో ప్రసంగించాల్సిందిగా మంత్రి కేటీఆర్కు ఆహ్వానం అందింది. ఇప్పటికే పలు అంతర్జాతీయ సంస్థల నుంచి ఆహ్వానాలు అందుకున్న రాష్ట్ర పరిశ్రమలు, ఐటీ శాఖ మంత్రి కేటీఆర్కు మరోసారి అలాంటి గౌరవం దక్కింది. కరోనా సంక్షోభం నేపథ్యంలో "కొవిడ్ -19 రిషేప్ సౌత్ ఏషియా ఫ్యూచర్" అనే అంశంపై జరిగే వర్చువల్ సదస్సులో ప్రసంగించాల్సిందిగా నిర్వాహకులు మంత్రి కేటీఆర్ను కోరారు.
ప్రపంచంలోనే అతి పెద్ద ఇండస్ట్రీ బాడీ అయిన ఇంటర్నేషనల్ ఛాంబర్ ఆఫ్ కామర్స్ శ్రీలంక విభాగం ఆధ్వర్యంలో మే 30 సాయంత్రం నాలుగు గంటలకు ఈ కార్యక్రమం జరుగుతుంది. సుమారు వంద దేశాల్లో 45 మిలియన్ల సభ్యులున్న ఈ సంస్థ.. ఐక్యరాజ్యసమితి, ప్రపంచ వాణిజ్య సంస్థ, అనేక ఇతర ప్రభుత్వ సంస్థలతో కలిసి జాతీయ, అంతర్జాతీయ స్థాయిలో కార్యక్రమాలు చేపడుతుంది.
ఇవీ చూడండి: ముఖ్యమంత్రి కేసీఆర్ పర్యటన సాగుతుందిలా..
