కరోనా వైరస్ ప్రజలకు తీవ్ర కష్టాలు తెచ్చిపెడుతోంది. కనీసం కుటుంబ సభ్యుల మృతదేహాలను చూసేందుకు కూడా వెళ్లలేని దయనీయ పరిస్థితి నెలకొంది. ఆంధ్రప్రదేశ్లోని కడప నగరానికి చెందిన ఓ వ్యక్తి.. గత శుక్రవారం కరోనా పరీక్షలు చేయించుకోగా... అతనికి వైరస్ సోకినట్టు తేలింది. అదే రోజు ఆ వ్యక్తిని కడప ఫాతిమా కొవిడ్ ఆసుపత్రికి తరలించారు. పదిరోజుల కిందటే ఆయన సోదరి గుండెపోటుతో మరణించింది. కుమార్తె మరణం, కుమారుడికి కరోనా సోకడం వల్ల ఆ కుటుంబంలో తీవ్ర ఆందోళన నెలకొంది.
ఆ బాధితుడు ఆసుపత్రికి వెళ్లగా... దీర్ఘకాలిక వ్యాధితో బాధపడుతున్న తల్లి కూడా మంచం పట్టింది. కూతురు మరణించిందనే దిగులు ఓ వైపు... కుమారుడికి కరోనా సోకిందనే విషయం మరోవైపు ఆ వృద్దురాలి ఆరోగ్యాన్ని ఇంకా దెబ్బతీసింది. ఈ కారణంగా.. ఆమెను కుటుంబసభ్యులు కడప రిమ్స్ కు తరలించారు. చికిత్స పొందుతూ వృద్దురాలు కూడా మరణించింది. పది రోజుల వ్యవధిలోనే ఇద్దరు కుటుంబ సభ్యులు మృత్యువాత పడటం ఆ కుటుంబంలో తీవ్ర విషాదాన్ని నింపింది.
ఇవీ చూడండి: కరోనా దెబ్బ.. తలకోన పర్యాటకం కుదేలు
