AP CORONA CASES: ఆంధ్రప్రదేశ్లో కొవిడ్ తగ్గుముఖం పట్టింది. ఆ రాష్ట్రంలో కొత్తగా 434 కరోనా కేసులు నమోదయ్యాయి. కరోనా నుంచి 4,636 మంది పూర్తిగా కోలుకోగా.. ప్రస్తుతం ఏపీలో 14,726 యాక్టివ్ కేసులు ఉన్నాయని వైద్యారోగ్యశాఖ తెలిపింది. ఏపీలో 24 గంటల్లో 15,193 మందికి కరోనా పరీక్షలు నిర్వహించినట్లు పేర్కొంది. కొవిడ్ కారణంగా.. మరొకరు మరణించారు.
- దేశంలో 35వేల దిగువకు కరోనా కొత్త కేసులు.. భారీగా తగ్గిన మరణాలు
Corona cases in India: భారత్లో కరోనా కేసులు భారీగా తగ్గాయి. ఆదివారం ఉదయం నుంచి సోమవారం ఉదయం వరకు.. 34,113 మందికి వైరస్ సోకింది. కొవిడ్ దాటికి మరో 346 మంది ప్రాణాలు కోల్పోయారు. 91,930 మంది మహమ్మారి నుంచి కోలుకున్నారు. దేశంలో రోజువారీ పాజిటివిటీ రేటు 3.17 శాతంగా ఉందని కేంద్ర ఆరోగ్య శాఖ తెలిపింది.
యాక్టివ్ కేసులు ప్రస్తుతం 1.12 శాతంగా ఉన్నాయి. రికవరీ రేటు 97.68 శాతానికి చేరింది. ఈ మేరకు కేంద్ర ఆరోగ్య శాఖ వెల్లడించింది.
- మొత్తం కేసులు: 4,26,65,534
- మొత్తం మరణాలు: 5,09,011
- యాక్టివ్ కేసులు: 4,78,882
- మొత్తం కోలుకున్నవారు: 4,16,77,641
దేశంలో కొత్తగా 11,66,993 టీకా డోసులను పంపిణీ చేశారు. ఇప్పటివరకు మొత్తం 1,72,95,87,490 డోసులు పంపిణీ చేసినట్లు కేంద్ర వైద్య ఆరోగ్య శాఖ తెలిపింది.
World Corona Cases..
ప్రపంచవ్యాప్తంగా కరోనా విజృంభణ కొనసాగుతోంది. ఒక్కరోజే 14 లక్షల మంది మహమ్మారి బారిన పడ్డారు. మరో 5,461 మంది ప్రాణాలు కోల్పోయారు. ఫలితంగా మొత్తం కొవిడ్ కేసుల సంఖ్య 41,20,79,751గా ఉండగా.. మరణాల సంఖ్య 58,33,915 కు చేరింది.
- రష్యాలో మరో 1.97 లక్షల మంది వైరస్ బారినపడ్డారు. మరో 706 మంది ప్రాణాలు కోల్పోయారు.
- జర్మనీలో ఒక్కరోజే 1.08 లక్షల మందికి కొవిడ్ పాజిటివ్గా తేలింది. మరో 47 మంది మృతిచెందారు.
- ఫ్రాన్స్లో కొత్తగా 86 వేల మందికి కరోనా సోకింది. 107 మంది మరణించారు.
- టర్కీలో తాజాగా 73 వేల కేసులు బయటపడగా.. 276 మంది బలయ్యారు.
- జపాన్లో ఒక్కరోజే 67 వేలకు పైగా మందికి వైరస్ సోకింది. మరో 143 మంది మృతిచెందారు.
ఇదీ చూడండి : ఆ రాష్ట్ర ఎన్నికల్లో రూ.404 కోట్ల విలువైన మద్యం స్వాధీనం!
