Shashi Tharoor press meet in Hyderabad: స్వేచ్ఛగా, శాంతియుతంగా ఎన్నికలు జరిపించేందుకు గాంధీ కుటుంబం కట్టుబడి ఉందని కాంగ్రెస్ పార్టీ నాయకుడు, అధ్యక్ష అభ్యర్థి శశిథరూర్ అన్నారు. హైదరాబాద్లోని తాజ్కృష్ట హోటల్లో సమావేశం నిర్వహించిన ఆయన.. భాజపాను ఎలా ఎదుర్కోవాలనేదే కాంగ్రెస్ ఫ్యామిలీ అంతర్గత చర్చ అని అన్నారు. కాంగ్రెస్ పార్టీని ముందుకు తీసుకెళ్లడంలో ఎవరు శక్తివంతులు అనేదే మా ప్రధాన ప్రశ్న అని చెప్పారు. సమావేశంలో ఆయనకు ఖర్గేపై ఉన్న అభిప్రాయాన్ని వ్యక్తపరిచారు.
పార్టీ ఫండమెంటల్ విషయాల్లో తనది, ఖర్గేది ఒకే విధానమని శశిథరూర్ చెప్పుకొచ్చారు. ఇటీవలే తాను ఖర్గేతో మాట్లాడానని.. ఆయన ఒక గొప్ప నేత అని కొనియాడారు. ఖర్గేతో తనకు మంచి సంబంధాలు ఉన్నాయని గుర్తు చేసుకున్నారు. ఖర్గే కేవలం దళిత నాయకుడుగా పరిమితం కాలేదన్నారు. ఈ క్రమంలోనే ఖర్గే విజన్ ఖర్గేకు ఉంది.. తన విజన్ తనకు ఉందని చెప్పుకొచ్చారు. కాంగ్రెస్‌లో జీ23 అనేదే లేదని ఆయన స్పష్టం చేశారు. పార్టీ నాయకత్వాన్ని సెంట్రలైజేషన్ చేయాల్సి ఉందని ఆయన స్పష్టం చేశారు.
తెలంగాణ నాయకులతో మంచి సంబంధాలు ఉన్నాయని చెప్పుకొచ్చిన శశిథరూర్.. పీసీసీ అధ్యక్షుడు రేవంత్ రెడ్డి తన ఇంటికి ఆహ్వానించారని.. తానే వెళ్లలేకపోయానని వివరించారు. రేవంత్ రెడ్డి పిలిస్తే తప్పకుండా గాంధీ భవన్ వచ్చి ప్రచారం చేసుకుంటానని తెలిపారు. తాను హైదరాబాద్లో కొందరిని వేరువేరుగా కలవబోతున్నాని ప్రకటించారు.
ఇవీ చదవండి:
