సుదీర్ఘ చర్చ
ఆర్టీసీ ప్రత్యామ్నాయ ఏర్పాట్లపై ప్రగతి భవన్లో సుమారు ఐదు గంటలకు పైగా సీఎం కేసీఆర్ సమీక్షించారు. ప్రయాణికులకు ఎలాంటి ఇబ్బందులు తలెత్తకుండా సమర్థంగా బస్సులు నడపడం, తాత్కాలిక ప్రాతిపదికన సిబ్బంది నియామకంపై మంత్రి పువ్వాడ అజయ్‌కుమార్‌, అధికారులతో చర్చించారు. ఆర్టీసీ ఇంఛార్జీ ఎండీ సునీల్‌శర్మ, రవాణా శాఖ కమిషన్‌ సందీప్‌ సుల్తానియా తదితరులు భేటీకి హాజరయ్యారు. వంద శాతం బస్సులు రోడ్డెక్కే విధంగా చర్యలు చేపట్టాలని సీఎం నిర్దేశించినట్లు తెలిసింది. సమ్మెపై హైకోర్టు వ్యాఖ్యలపైనా సీఎం ఆరాతీసినట్లు సమాచారం.
