ఏపీ వైకాపా ఎంపీ విజయసాయిరెడ్డికి మరిన్ని బాధ్యతలు అప్పగిస్తూ.. ఆ పార్టీ అధ్యక్షుడు, ఆంధ్రప్రదేశ్ రాష్ట్ర ముఖ్యమంత్రి జగన్ ఆదేశాలిచ్చారు. పార్టీ అనుబంధ విభాగాల సమన్వయం బాధ్యతలకు అదనంగా.. మరిన్ని బాధ్యతలు ఇచ్చారు. పార్టీ రీజినల్ కో-ఆర్డినేటర్లు, జిల్లా పార్టీ అధ్యక్షుల సమన్వయ బాధ్యతలనూ సాయిరెడ్డికి అప్పగించారు. ఈ నెల 19న పార్టీ జిల్లా అధ్యక్షులు, రీజినల్ కో ఆర్డినేటర్లను సీఎం నియమించారు. విజయసాయిరెడ్డికి ప్రాధాన్యత తగ్గించారనే విమర్శలు వచ్చాయి.
ఈ నేపథ్యంలోనే పునః సమీక్షించిన సీఎం.. సాయిరెడ్డికి బాధ్యతలు పెంచాలని నిర్ణయించారు. ఈ నెల 19న జారీ చేసిన నియామక ఉత్తర్వులను సవరిస్తూ ఆదేశాలిచ్చారు. ఎమ్మెల్యేలు, మీడియా కో-ఆర్డినేషన్ బాధ్యతను ప్రభుత్వ సలహాదారు సజ్జల రామకృష్ణారెడ్డికి సీఎం అప్పగించారు.
