రాష్ట్ర ప్రభుత్వానికి.. గవర్నర్ సూచనలు చేస్తే.. దానిపైన విమర్శలు చేయడం సరికాదన్నారు. గవర్నర్ తమిళిసై సౌందరరాజన్కు వెంటనే క్షమాపణలు చెప్పాలని సీఎల్పీ నేత భట్టి విక్రమార్క డిమాండ్ చేశారు. కేసీఆర్ తన పదవికి రాజీనామా చేయాలన్నారు.
ప్రజల ఆరోగ్యం కోసం గవర్నర్ మాట్లాడడం అభినందనీయమని భట్టి అన్నారు. గవర్నర్ తన వ్యాఖ్యలను మాటలకే పరిమితం చేయకుండా.. ఆచరణలో పెట్టేలా ప్రభుత్వాన్ని ఆదేశించాలని భట్టి కోరారు. గవర్నర్ సూచనలను తెరాస ప్రభుత్వం బేఖాతరు చేయడం వల్లే రాష్ట్రమంతా కరోనా విజృంభిస్తోందన్నారు.
రేషన్ తరహాలో కరోనా బారినపడిన బీపీఎల్‌ కుటుంబాలకు ఉచిత చికిత్స అందించాలని డిమాండ్ చేశారు. కరోనా తీవ్రతను ముందే పసిగట్టి.. కాంగ్రెస్ తరఫున పలుమార్లు లేఖలు రాసినట్లు భట్టి విక్రమార్క గుర్తుచేశారు.
ఇవీచూడండి: 'సీఎంకు కాళేశ్వరంపై ఉన్న శ్రద్ధ... పాలమూరుపై ఎందుకు లేదు'
