మాజీ మంత్రి వై.ఎస్.వివేకానందరెడ్డి హత్యకేసు ఛేదించడానికి రంగంలోకి దిగిన సీబీఐ విచారణ ముమ్మరం చేసింది. శుక్రవారం ఉదయం 11 గంటల నుంచి రాత్రి 8 గంటల వరకు పులివెందులలోని వివేకా ఇంట్లో సీబీఐ అధికారులు సీన్ రీ కనస్ట్రక్షన్ చేశారు. హత్య జరిగిన రోజు ఏం జరిగి ఉంటుందన్న దానిపై సునిశిత పరిశీలన చేస్తున్నారు.
ఈ కేసులో అనుమానితుడిగా ఉన్న వాచ్‌మెన్ రంగన్నను ఘటనాస్థలికి తీసుకెళ్లి అధికారులు విచారించారు. వివేకా పీఏ కృష్ణారెడ్డి, డ్రైవర్‌ ప్రసాద్‌, వంటమనిషి కుమారుడు ప్రకాశ్‌ను సీబీఐ విచారించింది. శనివారం నుంచి దర్యాప్తు మరింత వేగవంతం చేసే అవకాశం ఉన్నట్లు తెలుస్తోంది.
వివేకా హత్య కేసు: సీన్ రీకన్‌స్ట్రక్షన్‌ చేసిన సీబీఐ అధికారులు
