బ్రిజేష్‌కుమార్‌ ట్రైబ్యునల్ సమావేశం మరోసారి వాయిదా పడింది. తెలంగాణ, ఆంధ్రప్రదేశ్‌ల మధ్య కృష్ణా జలాల వివాదంపై వాదనలు వింటున్న ట్రైబ్యునల్ ఈ నెల 27 నుంచి 29వ తేదీ వరకు సమావేశాలు నిర్వహించాలని గతంలో నిర్ణయించింది. అయితే, కరోనా నేపథ్యంలో నేరుగా వాదనలు వినిపించడం కష్టమని, వాయిదా వేయాలని రెండు తెలుగు రాష్ట్రాలు కోరినట్లు ట్రైబ్యునల్ పేర్కొంది.
ఈ మేరకు మార్చి 17 నుంచి 19 వరకు సమావేశాన్ని నిర్వహించేలా నిర్ణయం తీసుకొన్న ట్రైబ్యునల్.. శుక్రవారం రెండు రాష్ట్రాలకు సమాచారం ఇచ్చింది. ట్రైబ్యునల్‌లో ఏర్పడిన ఖాళీలు, కరోనా తదితర కారణాలతో 2019, సెప్టెంబరు నుంచి సమావేశాలు వాయిదా పడుతూనే ఉన్నాయి.
- ఇదీ చూడండి : 11 రాష్ట్రాలకు విస్తరించిన 'బర్డ్ ఫ్లూ'
