కేసీఆర్ పథకాలే తెరాసను గెలిపిస్తాయి : ముద్దగోని లక్ష్మీప్రసన్న

కేసీఆర్ ప్రభుత్వ అభివృద్ధి, సంక్షేమ పథకాలే తనను గెలిపిస్తాయని బీఎన్ రెడ్డి నగర్ తెరాస అభ్యర్థి ముద్దగోని లక్ష్మీప్రసన్న ధీమా వ్యక్తం చేశారు. తనని గెలిపిస్తే డివిజన్​లో మరింత అభివృద్ధి చేస్తానని వివరించారు.

కేసీఆర్ ప్రవేశపెట్టిన అభివృద్ధి, సంక్షేమ పథకాలు తమను గెలిపిస్తాయని ధీమా వ్యక్తం చేశారు బి.యన్ రెడ్డి నగర్ డివిజన్ తెరాస అభ్యర్థి ముద్ద గోని లక్ష్మీ ప్రసన్న. డివిజన్​లో ఇంటింటికి తిరుగుతూ ప్రచారం కొనసాగిస్తున్నారు. చాలా వరకు డ్రైనేజ్, త్రాగునీరు, రోడ్లు సమస్యలు తీరాయని, డివిజన్ మరింత అభివృద్ధి కావాలంటే మళ్లీ ఒకసారి అవకాశం ఇవ్వాలని కోరారు. సామా నగర్​లో ఇంటింటికి తిరుగుతూ ప్రచారాన్ని కొనసాగించారు. కారు గుర్తుకే ఓటు వేసి తనను గెలిపించాలని ఓటర్లను అభ్యర్థించారు.