హైదరాబాద్ నాంపల్లిలోని భాజపా కార్యాలయంలో సర్దార్ సర్వాయి పాపన్న గౌడ్ జయంతి వేడుకలు జరిగాయి. ఈ కార్యక్రమంలో భాజపా రాష్ట్ర అధ్యక్షుడు బండి సంజయ్(bandi sanjay) పాల్గొన్నారు. సర్వాయి పాపన్నకు సంజయ్ నివాళులు అర్పించారు. ఆ పోరాటయోధుని స్ఫూర్తితో గడీలు బద్దలు కొడతామని అన్నారు. అవినీతి, దోపిడీ, కుటుంబ పాలనను అంతం చేద్దామని పిలుపునిచ్చారు. సర్వాయి పాపన్న చరిత్రను పాఠ్యపుస్తకాల్లో చేర్చాలని బండి సంజయ్ డిమాండ్ చేశారు.
సర్దార్ సర్వాయి పాపన్న గౌడ్ మనందరికీ స్ఫూర్తి ప్రదాత. నిజాం అరాచకాలను ఎదిరించిన సామాన్య వ్యక్తి సర్వాయిపాపన్న. శివాజీ హిందు సామ్రాజ్యం కోసం మొగల్ చక్రవర్తులపై ఎలా పోరాటం చేశారో.. సర్వాయిపాపన్న కూడా అలానే పోరాటం చేశారు. రాష్ట్రంలో ఈ మహనీయునికి గుర్తింపు లేకుండా పోయింది. కనీసం పాపన్న చరిత్రను పాఠ్యపుస్తకాల్లో చేర్చి రాబోయే తరాలకు స్ఫూర్తిదాయకంగా ఉంచేలా చేయాలి. కేసీఆర్ సర్వాయి పాపన్న గౌడ్కు నివాళులు కూడా అర్పించలేదు. ఎన్నికలప్పుడు ముఖ్యమంత్రి కేసీఆర్ ఇచ్చే హామీలను చూసి మోసపోవద్దు.
-బండి సంజయ్, భాజపా రాష్ట్ర అధ్యక్షుడు
ఇదీ చదవండి: Gandhi Hospital Rape Case: 'గాంధీ'లో అత్యాచారంపై జాతీయ ఎస్సీ కమిషన్ ఆగ్రహం
'గాంధీ'లో డీఎంఈ రమేశ్‌రెడ్డి విచారణ.. ఇప్పటికే అంతర్గత కమిటీ నివేదిక!
