కేంద్రమంత్రి గడ్కరీకి కోమటిరెడ్డి కృతజ్ఞతలు

గతంలో తాను చేసిన విజ్ఞప్తులను మన్నించి నిధులు మంజూరు చేసినందుకు... కేంద్రమంత్రి నితిన్​ గడ్కరీకి ఎంపీ కోమటిరెడ్డి వెంకట్​రెడ్డి కృతజ్ఞతలు తెలిపారు. గడ్కరీని ఆయన దిల్లీలో కలిసి ధన్యవాదాలు చెప్పారు.

కేంద్ర రవాణాశాఖ మంత్రి నితిన్​ గడ్కరీని... భువనగిరి ఎంపీ కోమటిరెడ్డి వెంకట్​రెడ్డి దిల్లీలో కలిశారు. నకిరేకల్ నుంచి నాగార్జునసాగర్​ వరకు... జాతీయ రహదారి-565 పనుల కోసం 200 కోట్లు, జాతీయ రహదారి-65 విస్తరణ పనుల కోసం 350 కోట్లు కేటాయించినందుకు గడ్కరీకి ధన్యవాదాలు తెలిపారు. డీపీఆర్​ను సిద్ధం చేసి, పనులు ప్రారంభించేలా అధికారులను ఆదేశించాలని విజ్ఞప్తి చేశారు.

కేంద్రమంత్రి గడ్కరీకి కోమటిరెడ్డి కృతజ్ఞతలు

వలిగొండ, తొర్రూరు, నెల్లికుదురు, మహబూబాబాద్, ఇల్లందు మీదుగా... హైద్రాబాద్-కొత్తగూడెం మధ్య రహదారిని జాతీయ రహదారిగా గుర్తించారు. అయినప్పటికీ నిర్వహణ సరిగా లేక... మరమ్మతులకు నోచుకోవడం లేదని మంత్రికి వివరించారు. హైదరాబాద్​-విశాఖ-ఛత్తీస్​గడ్​ మధ్య 100 కిలో మీటర్లు తగ్గించే... ఈ రహదారి ఎంతో ఉపయోగకరమని చెప్పారు. 2016లోనే డీపీఆర్​ తయారు చేసినా.. నేటికీ పనులు మొదలు కాలేదన్నారు.

ఇదీ చూడండి: ప్రభుత్వ నిర్ణయాలే అమలు చేయండి: ముఖ్యమంత్రి