కోఠిలో భజరంగ్​ దళ్​ కార్యకర్తల ఆందోళన

హైదరాబాద్​ కోఠిలోని ఆంధ్రబ్యాంక్​ కూడలిలో భజరంగ్​ దళ్​ నాయకులు ఆందోళన చేశారు. పశ్చిమ బంగలో హిందువులకు రక్షణ కరువైందని.... అక్రమ కేసులు పెడుతూ జైళ్లకు పంపుతున్నారని మండిపడ్డారు.

పశ్చిమ బంగలో హిందువులకు రక్షణ కరువైందని భజరంగ్ దళ్ నాయకులు ఆరోపించారు. హిందువులపై జరుగుతున్న దాడులకు నిరసనగా... భజరంగ్ దళ్ నాయకులు హైదరాబాద్ కోఠిలోని ఆంధ్రాబ్యాంక్ కూడలిలో ఆ రాష్ట్ర ముఖ్యమంత్రికి వ్యతిరేకంగా ఆందోళన చేశారు. ఆ రాష్ట్రంలో తృణమూల్ కాంగ్రెస్ నాయకుల ఆగడాలు పెరిగిపోయాయన్నారు. హిందుత్వం గురించి మాట్లాడితే అక్రమంగా కేసులు పెడుతూ... జైళ్లకు పంపుతున్నారని మండిపడ్డారు. హిందుత్వం గురించి ప్రచారం చేస్తున్న భజరంగ్ దళ్ కార్యకర్త బంధు ప్రకాష్ , అతని కుటుంబ సభ్యులు నలుగురిని ప్రభుత్వం హత్య చేయించిందని వారు ఆరోపించారు. కేంద్ర ప్రభుత్వం ఇప్పటికైనా జోక్యం చేసుకొని పశ్చిమ బంగలో హిందువులకు రక్షణ కల్పించాలని వారు కోరారు.

ఇవీ చూడండి: ఆర్టీసీ సమ్మె ఉద్ధృతం... 19న బంద్​కు అఖిలపక్షం మద్ధతు...