గంటల్లోనే ఛేదన... బాధితురాలికి బ్యాగ్ అందజేత

ఏపీలోని విశాఖపట్నంలో బంగారు ఆభరణాలు ఉన్న బ్యాగు అదృశ్యం ఘటనను పోలీసులు కొద్ది గంటల్లోనే ఛేదించారు. పోలీసుల అప్రమత్తతతో ఆటోడ్రైవర్​ నుంచి బ్యాగును స్వాధీనం చేసుకుని బాధిత మహిళకు అప్పగించారు.

విశాఖపట్నంలోని ఆరిలోవకు చెందిన రాధిక సుమారు ఎనిమిది లక్షల రూపాయల విలువైన బంగారు ఆభరణాలను ఓ బ్యాగులో పెట్టుకుని... ఆటోలో ఆర్టీసీ కాంప్లెక్స్​కు వచ్చింది. ఈ క్రమంలో బ్యాగ్​ను ఆటోలో మర్చిపోయింది. కాంప్లెక్స్​లోకి వెళ్లిన తర్వాత బంగారం ఉన్న బ్యాగు లేదనే విషయాన్ని గమనించి... స్థానిక పోలీసులను ఆశ్రయించింది. బాధితురాలి ఫిర్యాదుతో పోలీసులు అప్రమత్తమై ఆటోను గుర్తించి బ్యాగును స్వాధీనం చేసుకున్నారు. అనంతరం పోలీసు ఉన్నతాధికారుల అనుమతితో రాధికకు బ్యాగును అప్పగించారు.

ఇదీ చూడండి: ఆన్‌లైన్‌ ట్రేడింగ్ ఇన్వెస్ట్‌మెంట్​ పేరుతో రూ.34 కోట్ల వసూలు