కరోనా మూడో దశ(Corona Third Wave) ముప్పు పొంచి ఉన్నందున ప్రజలంతా జాగ్రత్తగా ఉండాలని డాక్టర్ రావు ఈఎన్టీ ఆస్పత్రి ఆధ్వర్యంలో అవగాహన నడక నిర్వహించారు. హైదరాబాద్ కూకట్పల్లిలో నిర్వహించిన ఈ వాక్లో.. ఆస్పత్రి ఛైర్మన్ జీవీఎస్ రావు, డైరెక్టర్ శ్రీరావు పాల్గొన్నారు.
రోడ్డుపై మాస్కులను పంపిణీ చేస్తూ.. కరోనా మూడో దశ ఉద్ధృతిని ఎదుర్కొనేందుకు ప్రజలంతా సిద్ధం కావాలని చెప్పారు. తరచూ చేతులు శుభ్రం చేసుకోవడం.. భౌతిక దూరం పాటించడం.. అనవసరంగా.. గుంపులు గుంపులుగా ఉన్న ప్రదేశాలకు వెళ్లకుండా ఉండటం వంటి జాగ్రత్తలు పాటించాలని సూచించారు.
