రాజధాని బిల్లులపై ఏపీ గవర్నర్ బిశ్వభూషణ్ హరిచందన్ న్యాయ సలహాలు తీసుకుంటున్నారు. సీనియర్ అడ్వకేట్లు అభిప్రాయాలు, సూచనలు అడిగి తెలుసుకుంటున్నారు. ఏపీ రాష్ట్ర ప్రభుత్వం నుంచి పరిపాలన వికేంద్రీకరణ, సీఆర్డీఏ చట్టం రద్దు బిల్లులు వివరాలు అందగానే రాజ్భవన్ ఈ ప్రక్రియ ప్రారంభించింది.
ఈ బిల్లులను రాష్ట్రపతికి పంపాలని ఏపీలోని ప్రతిపక్షాలు గవర్నర్ను విజ్ఞప్తి చేశాయి. ఏపీ పునర్‌వ్యవస్థీకరణ చట్టంతో బిల్లులు ముడిపడి ఉన్నాయని ప్రతిపక్షాలు అంటున్నాయి. సీనియర్ న్యాయవాదులు, రాజ్యాంగ నిపుణులతో చర్చల అనంతరం బిల్లులపై గవర్నర్ తుది నిర్ణయం తీసుకోనున్నారు.
