అక్రమాస్తుల కేసులో ఆంధ్రప్రదేశ్ ముఖ్యమంత్రి జగన్ మోహన్రెడ్డి బెయిల్ రద్దు చేయాలని కోరుతూ ఎంపీ రఘురామకృష్ణరాజు దాఖలు చేసిన పిటిషన్పై సీబీఐ కోర్టులో నేడు విచారణ జరగనుంది. కౌంటరులో జగన్ పేర్కొన్న అంశాలపై రఘురామకృష్ణరాజు నేడు కోర్టుకు సమాధానం ఇవ్వనున్నారు.
తన బెయిల్ రద్దు చేయాలన్న రఘురామ పిటిషన్పై జగన్ ఈ నెల 1న కౌంటర్ దాఖలు చేశారు. తాను షరతులను ఉల్లంఘించలేదని.. రఘురామకృష్ణరాజు రాజకీయ, వ్యక్తిగత ప్రయోజనాల కోసమే పిటిషన్ వేశారని కౌంటరులో పేర్కొన్నారు. రఘురామ తనపై ఉన్న సీబీఐ కేసులను ప్రస్తావించలేదన్నారు. సీబీఐ తటస్థ వైఖరితో మెమో దాఖలు చేసింది. పిటిషన్లోని అంశాలపై చట్టపరంగా, విచక్షణ మేరకు నిర్ణయం తీసుకోవాలని కోర్టును కోరింది. కౌంటర్లపై రీజాయిండర్ దాఖలు చేసేందుకు సమయం ఇవ్వాలని ఈ నెల 1న రఘురామ తరఫు న్యాయవాది శ్రీవెంకటేశ్ కోరడంతో.. నేటికి వాయిదాపడింది.
