కస్తూర్బా పాఠశాలలో.. 50 మంది విద్యార్థినులకు పాజిటివ్

ఏపీలో కరోనా కోరలు చాస్తోంది. మరో పాఠశాలలో 50 మంది విద్యార్థినులకు నిర్ధరణ అయింది. వారితో పాటు ఇద్దరు సిబ్బంది మహమ్మారి బారిన పడ్డారు. వారం రోజుల పాటు పాఠశాలను మూసేశారు.

ఆంధ్రప్రదేశ్​లో కరోనా కలవర పెడుతోంది. పాజిటివ్ కేసుల సంఖ్య రోజురోజుకూ పెరుగుతోంది. అందులో విద్యార్థులు ఉండడం గమనార్హం. కర్నూలు జిల్లాలోని ఆదోని కస్తూర్బా పాఠశాలలో కరోనా కలకలం సృష్టించింది. 50 మంది విద్యార్థినులు, ఇద్దరు సిబ్బందికి వైరస్ నిర్ధరణ అయింది.

ఈ నెల 15న 22 మందికి వైరస్ సోకింది. 257 మంది విద్యార్థినులు చదువుకుంటున్న ఈ పాఠశాలను.. వారం రోజుల పాటు మూసివేశారు.

ఇదీ చదవండి: కరోనా విజృంభణ: ఈ నెలలోనే 11 శాతం కేసులు